82MAJOR шинэхэн "TROPHY" дуугаа "Music Bank"-д анх удаа тоглоно!

82MAJOR хамтлаг фэнүүдээ гайхад бэлэн болжээ! Өнөөдөр, 10-р сарын 31-ний өдөр, 17:05 цагт (Монголын цагаар), залуус KBS2 "Music Bank"-ын тайзнаа гарч, тэдний шинэ мини цомог болон "TROPHY" нэрийн дууны анхны тоглолтоо хийнэ.

Энэхүү дөрөв дэх мини цомог нь 82MAJOR-ийн дебют хийгээд хоёр жил болж буйг тэмдэглэж, тэдний өсөлтийн төдийгүй, дэлхийд өөрсдийн гэсэн мөрийг үлдээх хүсэл эрмэлзлийг илтгэнэ. "TROPHY" дуу нь тек-хаус төрөлд хамаарах бөгөөд, цочроох басс шугамаараа онцлогтой. Энэхүү дуу нь төгсгөлгүй өрсөлдөөн, олон нийтийн хараанд өртөхөөс шантралгүй, өөрсдийн зам мөрөө хөөж, "трофей"-г байлдан дагуулсан тухай өгүүлдэг.

Ялангуяа, алдартай "WeDemBoys" бүжгийн хамтлагийн бүтээсэн бүжиг нь үзүүштэй тоглолтыг амлаж байна. "Тоглолтын идол" хэмээх алдартай 82MAJOR хамтлаг, өөрсдийн ур чадвар, эрч хүчээрээ үзэгчдийг байлдан дагуулах болно.

2023 онд дебют хийсэн тус хамтлаг, дотоодын болон олон улсын тайзнаа, тэр дундаа бие даасан тоглолт, дэлхийн аялан тоглолт, фестивал зэрэгт оролцож, амжилтаа баталгаажуулсан. Саяхан тэд Коре дахь анхны "82DE WORLD" фэн уулзалтаа амжилттай зохион байгуулж, 12-р сард Токио хотод анхны Японы фэн уулзалтаа хийж, олон улсын үйл ажиллагаагаа өргөжүүлэхээр төлөвлөж байна.

82MAJOR хамтлаг 11-р сарын 1-нд MBC "Show! Music Core", 11-р сарын 2-нд SBS "Inkigayo", 11-р сарын 4-нд SBS funE "The Show", мөн 11-р сарын 5-нд MBC M, MBC every1 "Show Champion" зэрэг нэвтрүүлгүүдэд оролцож, идэвхтэй сурталчилгааны ажлаа үргэлжлүүлэх болно.

Монголын шүтэн бишрэгчид "82MAJOR"-ын шинэ дуу, бүжгийг маш их хүлээж байгаагаа илэрхийлж байна. "Шинэ дуу нь маш гоё байна", "Тайзан дээр хэрхэн тоглохыг нь тэсэн ядан хүлээж байна!" гэсэн сэтгэгдлүүдийг үлдээжээ.