жүжигчин Гу Хе-сон бизнесийн ертөнцөд шилжин орлоо!

Алдарт жүжигчин Гу Хе-сон жүжиглэх урлагаас гадна бизнесмэн, зохион бүтээгчийн хувиар амжилттай яваагаа зарлалаа.

Гу Хе-сон өнгөрсөн сарын нэгэнд "Куролл (KOOROLL) нээлтэд бэлдэж байна" хэмээх пост болон нэгэн зургийг нийтэлжээ.

Түүний нийтэлсэн зурагт Гу Хе-сон өөрөө зохион бүтээсэн үсний төмөр хэрэглэж буй нь харагдана. Үүнээс өмнө буюу наймдугаар сард Гу Хе-сон "Студи Гу Хе-сон" нэртэй венчур компанийг байгуулж, патентлагдсан үсний төмөр "Куролл"-ыг гаргана хэмээх мэдээллийг өгч байсан билээ. Венчур компанийн гэрчилгээ авснаар тэрээр бизнесмэн хүний хувьд шинэ гараагаа эхлүүлж, олны анхаарлыг татсан юм. Түүнчлэн энэ өдөр "Куролл (KOOROLL) нээлтэд бэлдэж байна" гэсэн нэмэлт мэдээлэл нь хүлээлтийг улам бүр нэмэгдүүлсэн.

Үүнээс гадна Гу Хе-сон өмнөх өдөр нь "Тогоонт доор төгсөх зорилгоор төгсөлтийн зургаа авахууллаа. Ялах нь ээ!" хэмээн Кайстын их сургуулийн аспирантурын төгсөлтийн зургийг нийтэлж, олны анхаарлыг татсан билээ.

Харин Гу Хе-сон 2017 онд эрүүл мэндийн шалтгаанаар MBC телевизийн "Чи хэтэрхий сайн байна" драмаас гараад жүжиглэхээ түр зогсоогоод байгаа ч найруулагч, дуучин, зохион бүтээгч зэрэг олон чиглэлээр идэвхтэй үйл ажиллагаа явуулж байна.

Солонгосын интернэт хэрэглэгчид Гу Хе-соныг бүх талаар авьяастай хүн хэмээн биширч байна. "Тэр бүх зүйлд гарамгай авьяастай юмаа!", "Ийм олон зүйлд хэрхэн амждаг нь гайхалтай.", "Түүний шинэ бүтээгдэхүүнийг тэсэн ядан хүлээж байна!" хэмээн шүүмжлэл бичжээ.