Жүжигчин Квон Сан-ү элэгний мэс заслын тухайгаа хуваалцав

Алдарт жүжигчин Квон Сан-ү өнгөрсөн нэгэн өдөр эхнэр Сүнь Те-ёнгийн YouTube сувгийн нэвтрүүлгээр элэгнийхээ мэс заслын талаарх сонирхолтой мэдээллийг хуваалцжээ. "Америкт 5 жил амьдарсан Сүнь Те-ён Солонгосыг юугаар дурсамж авдаг вэ" хэмээх нэртэй тус видеонд, хос жүжигчид Америкт найз нөхөдтэйгээ хамт намар цагийг хэрхэн өнгөрүүлж буй тухай гарсан байна.

Квон Сан-ү элэг нь "том" учраас эхнэртээ эсэргүүцэл үзүүлдэг хэмээн хошигносноос гадна, "Тийм ч учраас элэгнийхээ нэг хэсгийг авахуулсан" хэмээн хэлж, олныг гайхшруулжээ. Тэрээр элэгний судасны үүсэл буюу гемангиомаг авахуулах мэс засалд орсон бөгөөд элэгнийхээ алган хэмжээтэй хэсгийг авахуулсан байна. Харин тэрээр ердийн хүнээс том элэгтэй байсан тул 30 хувийг нь авахуулсан ч хэвийн хэмжээнд байсан гэжээ.

"Элэг маань маш том байсан болохоор эргээд сайн ургасан гэсэн. Ер нь элэг мэс засал хийлгэсэн ч эргээд ургадаг юм билээ. Бусад хүмүүстэй харьцуулахад би 1 сарын дотор бүрэн ургасан" хэмээн тэрээр бахархалтайгаар ярьсан байна. 2008 онд гэрлэсэн Квон Сан-ү, Сүнь Те-ён хос нь хүү, охинтой бөгөөд хүүхдүүдийнхээ сурлагаас шалтгаалж АНУ, Солонгос хоёрт амьдардаг байна.

Солонгосын нетизэнчүүд Квон Сан-ү-гийн эр зориг, тэсвэр хатавчанд гайхаж, хүндэтгэл илэрхийлжээ. "Үнэхээр баатарлаг эр хүн юм", "Элэг нь том гэдгийг нь мэдсэнгүй", "Түүний эрүүл энхийг хүсье" гэх зэрэг сэтгэгдлүүд олноор бичигджээ.