SISTAR-ын гишүүн Сою нисэх онгоцонд туулсан үндэсэрхэг үзлийн хэргээр уучлалт гуйлгаж, харин согтууруулах ундаа хэрэглэсэн гэх гүжигтэн хуулийн арга хэмжээ авахаар болжээ

SISTAR хамтлагийн экс гишүүн Сою Нью-Йоркт хуваарьтай ажиллаад БНСУ руу буцах замдаа Атлантагаар дамжин өнгөрөхдөө онгоцонд үндэсэрхэг үзлийн дарамттай нүүр туулснаа өнгөрсөн сард хувийн цахим хуудсандаа дэлгэсэн билээ. Тэрээр "Маш ядарсан байдалтай байсан тул хоолны цагийг шалгахын тулд солонгос үйлчлэгч гуйсан боловч ахлах үйлчлэгч намайг асуудалтай зорчигч мэт хандаж, гэнэт аюулгүй байдлын албаныхныг дуудаж байсан" хэмээн бичжээ.

"Хэрэв би асуудалтай бол онгоцноос буухад бэлэн байсан. Онгоцонд сууснаас хойш 15 цаг гаруй хугацаанд юу ч идэж чадаагүй. Энэ мэдрэмж нь үндэс угсаагаар нь ялгаварласан гүн шарх үлдээсэн. Хэн ч өөрийн үндэс угсаагаар нь гадуурхагдах ёсгүй" хэмээн Сою сэтгэлээ хуваалцсан юм.

Өмнө нь жүжигчин Хери мөн адил Дельта агаарын тээврийн компанитай холбоотой иймэрхүү харьцаанд өртсөн хэмээн ярьж байсан тул Союгийн гомдолд олон хүн анхаарал хандуулсан. Гэвч нэгэн интернэт хэрэглэгч "Би Соютай нэг онгоцоор явсан. Онгоцонд суух үед тэр маш их согтсон байсан, аюулгүй байдлын албаныхан байхгүй байсан" хэмээн сэтгэгдэл бичиж, маргааныг улам даамжуулсан байна. Гэхдээ энэ мэдээллийн бодит байдлыг одоогоор шалгаж тогтоогоогүй байна.

Харин Сою 10-р сарын 20-нд цахим хуудсандаа "Би зөвхөн онгоцонд суухын өмнө хүлээлгийн танхимд хоолны хамт бага зэрэг архи уусан. Онгоцонд суух явцад ямар нэгэн хязгаарлалт, асуудал байгаагүй. Би ямагт аяллынхаа дараа хоолны цагийг шалгадаг. Энэ удаа ч адил онгоцонд сууж, ачаагаа байрлуулсны дараа хоолны цагийг мэдэхийн тулд үйлчлэгчээс асуухад, англи хэлээр би сайн ярьдаггүй тул харилцах хэцүү байлаа" гэж бичжээ.

"Солонгос руу явах онгоц учраас солонгос хэлтэй үйлчлэгч байгаа байх гэж бодож байсан. Хэл ойлголцох гэж оролдсоны улмаас миний англи хэлний үгс буруу орчуулагдаж, ахлах үйлчлэгч болон аюулгүй байдлын албаныхан ирсэн байх. Тэр үед солонгос хэлтэй үйлчлэгч ирж тусалсан бөгөөд надад ямар ч асуудалгүй нь тогтоогдож, онгоцонд сууж, хэвийн нэвтэрч орсон" хэмээн нэмж тайлбарлажээ.

"Энэ нь ойлголцолд байж болох ч, дараа нь би гутаан дордсон мэт санагдсан хэд хэдэн зүйл тохиолдсон. Бие засах газар луу явах замдаа, үйлчлэгчтэй тааралдаж, тэдний машиныг зорчихын тулд биеэ хажуу тийш нь зайлуулахыг хүссэн. Би тэр алхам хийсэн боловч ахлах үйлчлэгч "Одоо энэ газраас яв" хэмээн их зантай хэлсэн. Эхлээд надад хандсан үйлчлэгч нь намайг тэр газар байсан шалтгааныг тайлбарласан боловч уучлалт гуйгаагүй" хэмээн тэрээр ярьсан байна.

"Түүнчлэн, хамт явсан багийн гишүүн солонгос цэстэй асуухад, ямар ч тайлбаргүйгээр өөр гадаад хэлний цэсийг өгсөн. Солонгос хэлээр ярьж, тусалж байсан үйлчлэгч олон удаа уучлал гуйсан ч, онгоцонд сууснаас хойш болсон бүх үйл явдал, онгоцны турш үргэлжилсэн хүйтэн хандлага, харцнаас би түгшүүр, харамсалтай мэдрэмж төрүүлсэн хэвээр байна" хэмээн хэлж, үндэсэрхэг үзлийн бодит байдал, харин согтуу байсан гэх цуу яриа нь худал болохыг онцолжээ.

Ойролцоогоор 10 хоногийн дараа Сою агаарын тээврийн компаниас үндэсэрхэг үзэлтэй холбоотой хэргээр уучлалт хүлээн авсан байна. Гэвч тэрээр сүлжээний хэрэглэгчдийн ярьж буй согтуу байсан гэх гүжигтэн нэхэмжлэлийг хуулийн дагуу шийдвэрлэхээр төлөвлөж байна.

10-р сарын 31-нд Сою "Өнгөрсөн долоо хоногт ажилаа хийж дуусаад нутаг буцах онгоцонд болсон үйл явдлын талаарх худал мэдээлэл, цуу яриа цацагдаж байгаа тул үүнийг залруулах үүднээс би энэ бичлэгийг орууллаа" хэмээн мэдэгджээ.

"Онгоцонд болсон цуврал хэргийн талаар бодож байгаад, буухаас өмнө нь онгоцны багийн гишүүнд гомдлоо бичиг барьсан. Энэ долоо хоногт Дельта агаарын тээврийн компаниас цахим шуудангаар уучлалт хүлээн авлаа. Өнгөрсөн долоо хоногт туулсан туршлага, мэдрэмжийг минь ойлгож, санаа тавьсан хүмүүст талархаж байна. Хувийн асуудлаараа санаа зовоосондоо уучлал хүсье. Миний зоригтой бичсэн нийтлэлийг дэмжсэн та нарын ачаар би энгийн амьдралдаа эргэн орж чадсан" хэмээн нэмсэн байна.

"Гэхдээ би үнэнийг залруулах үүднээс дахин нэг удаа бичихэд хүрч байна, учир нь худал мэдээлэл, цуу яриа маш их тархсаар байна. Гарсан асуудлуудад би албан ёсоор уучлалт хүлээн авсан тул цаашид энэ талаар олон нийтэд хандаж ярихгүй" хэмээн Сою хэлжээ.

"Харин үндэслэлгүй таамаглал, батлагдаагүй худал мэдээлэл, хувийн эрхийг зөрчсөн гутаан доромжлох үг хэлсэн тохиолдолд би хатуу арга хэмжээ авч, хуулийн дагуу хандах болно. Давхардуулан таагүй мэдээллүүдийг бичиж байгаад уучлал хүсье, гэхдээ залруулах ёстой зүйлээ залруулахыг хичээх болно" хэмээн тэрээр согтуу байсан гэх цуу яриаг няцаасан байна.

Одоогийн байдлааар Сою дуурийн уран бүтээлээс гадна ENA телевизийн "House of Girls", MBC every1 телевизийн "Hidden Eye" зэрэг нэвтрүүлгүүдэд оролцож байгаа юм.

Интернэт хэрэглэгчид Союг дэмжиж, үндэсэрхэг үзлийг эсэргүүцэж, шударга ёсыг шаардсан байна. Түүнчлэн, түүнийг гүтгэх гэсэн "дэмий оролдлого" хэмээн шүүмжилж, хуулийн арга хэмжээ авахаар болсныг нь сайшаасан сэтгэгдлүүд олон байлаа.