2PM хамтлагийн гишүүн Ок Тэк-ён гэрлэх гэж байна: 5 жилийн нууц амраг нь хуримын гэргий боллоо!

K-pop ертөнцийг доргиосон мэдээ! "2PM" хамтлагийн гишүүн, жүжигчин Ок Тэк-ён гэр бүлийн амьдрал эхлүүлэхээр болжээ.

Түүний агентлаг 51k-аас мэдээлснээр, Ок Тэк-ён 5 жилийн турш үерхсэн бүсгүйтэйгээ гэр бүл болохоор шийдсэн байна. Хуримын ёслол ирэх хавар, байгалийн сайханд, зөвхөн ойр дотны хүмүүсийн хүрээнд Сөүлд зохион байгуулагдах аж.

Ок Тэк-ён өөрийн биеэр фэнүүддээ зориулж, гарын үсэгтэй захидал бичиж, сошиал хуудсандаа нийтэлсэн байна. Тэрээр "Удаан хугацааны турш намайг дэмжсэн нэгэн хүнтэй амьдралаа холбохоор шийдлээ. Бид биедээ тулгуур болж, хамтдаа амьдралынхаа замыг туулах болно" хэмээн хуримын тухайгаа дуулгажээ.

Мөн тэрээр "Намайг өнөөдрийн түвшинд хүргэсэн бүх хүмүүст талархлаа илэрхийлмээр байна. Та бүхний хайр, дэмжлэг надад хэмжээлшгүй их хүч бэлэглэсэн" хэмээн сэтгэлээ хуваалцсан байна. "Цаашид ч "2PM" хамтлагийн гишүүн, жүжигчин, мөн та бүхний Тэк-ён байхын тулд та бүхний хайр, итгэлд баярлуулахын төлөө хичээх болно" хэмээн амлажээ.

Түүний ирээдүй гэргий бол бүсгүй 2020 онд анх үерхлэлээ баталгаажуулж байсан тэр эмэгтэй юм. Ок Тэк-ён 5 гаруй жил олны харааг хүлээсэн хайр дурлалынхаа харилцааг үргэлжлүүлж ирсэн. Өнгөрсөн арванхоёрдугаар сард тэднийг Сөүлийн гудамжаар гар гараасаа атгаад алхаж байхыг харж, олон нийтийн анхаарлыг татсан билээ.

Мөн энэ оны хоёрдугаар сард тэдний гэрлэх тухай цуу яриа гарах болсон. Учир нь, Парис хотноо авхуулсан Ок Тэк-ён болон түүний найз бүсгүйн зургууд цахим ертөнцөд цацагдсан юм. Тэр дундаа Эйфэлийн цамхгийн өмнө бүсгүйгээсээ өвдөглөж, бэлзэг өгч буй зураг нь түүнийг гэрлэх санал тавьсан хэмээх таамаглалыг төрүүлсэн. Гэвч тухайн үед агентлаг нь "Найз бүсгүйнхээ төрсөн өдрийг тэмдэглэх арга хэмжээ байсан" хэмээн няцааж байжээ.

Одоо харин 9 сарын дараа гэрлэлтээ албан ёсоор зарласнаар, тухайн үед цацагдсан цуу яриа нь үнэн байсан нь тогтоогдлоо. Ийнхүү Ок Тэк-ён нь "2PM" хамтлагийн Чан Сон-аас хойш хоёр дахь гэрлэсэн гишүүн болж байна.

Солонгосын интернэт хэрэглэгчид түүнийг гэрлэж байгаа мэдээг сонсоод ихэд баярлаж, "Тэк-ён ах нь гэрлэж байгаад нь баяр хүргэе!", "Парисын зураг үнэн байсан нь сонирхолтой байна" гэх зэрэг сэтгэгдлүүдээ илэрхийлж байна. Фэнүүд нь хосуудад аз жаргал хүсэн, хуримын зургийг нь тэсэн ядан хүлээж байгаагаа илэрхийлжээ.