жүжигчин Ким Чин-хун "Арайгүй хайр"-аар шинэ дүр төрхөө харуулах нь!
Алдарт жүжигчин Ким Чин-хун tvN телевизийн шинэ "Арайгүй хайр" (얄미운 사랑) олон ангит кинонд тоглохоор боллоо. Киноны нээлт арваннэгдүгээр сарын 3-ны Лхагва гарагийн 20:50 цагт хийгдэнэ.
"Арайгүй хайр" кино нь өөрийн алдар хүндээ алдсан үндэсний хэмжээний жүжигчин болон эрх зүй, шударга ёсыг эрхэмлэдэг спортын сурвалжлагчийн хоорондын тулааны тухай өгүүлэх болно. Кино нь бодит байдлыг илчлэх, тэрчлэн нийгмийн хэвшмэл ойлголтыг эвдэх зорилготой юм.
Ким Чин-хун уг кинонд Майор лигийн бейсболын тамирчин асан, одоо "Спортын Үнсон" компанийн ерөнхийлөгч Ли Чже-хён хэмээх дүрийг бүтээх юм. Тэрээр царайлаг төрх, төгс бие бялдар, чин сэтгэлтэй зан чанараараа хүн бүрийн хайрыг татдаг нэгэн.
Ким Чин-хуны жүжиглэх авьяас, мелодрамын өнгө аяс, бодитой илэрхийлэл нь Ли Чже-хён хэмээх дүрийг киноны гол тулгуур болгож чадна гэдэгт итгэлтэй байна.
Энэхүү бүтээлээр Ким Чин-хун "Урт үстэй, дүр эсгэгч" хэмээх өмнөх имижээсээ бүрэн өөрчлөгдөж, үзэгчдийг гайхшруулна гэдэгт найдаж байна. Тэрээр "Ким Чин-хуны романтик" төрхөө дахин харуулж, үзэгчдийг удаан хүлээлгэснээ эцэслэн баярлуулах болно.
Түүний өмнөх бүтээлүүдээс дурдахад "Хаан ширээний төлөө", "Ли Чже, удахгүй нас барна", "Балерина" зэрэг кино, драмуудад өөрийн авьяас чадварыг баталж ирсэн. Ялангуяа Amazon Prime Video-ийн "Butterly" цуврал дахь "Ган" хэмээх хүйтэн цуст алуурчны дүрээрээ онцгойрч байсан бол Netflix-ийн "Crime Scene Zero" цувралд нарийн мэдрэмжтэй дүрдээ бүрэн хувирсан. Мөн Netflix-ийн "Бүх хүсэл чинь биелэх болтугай" цувралд богино хэмжээний дүрдээ ч мартагдашгүй сэтгэгдэл үлдээж, гадаад болон дотоодын үзэгчдийн талархлыг хүлээж, дэлхийн зах зээлд өөрийн байр сууриа бэхжүүлсэн юм.
Саяхан болж өнгөрсөн "Алтан Зураг" шагнал гардуулах ёслолоос тэрээр шилдэг жүжигчний шагналыг хүртэж, "итгэж үзэх боломжтой жүжигчин" хэмээх алдрыг давхар баталгаажууллаа. ТэгвэКим Чин-хун арваннэгдүгээр сарын 3-нд гарах "Арайгүй хайр" кинонд ямар шинэ чадвараа харуулах, жүжигчин Им Чжи-ён, Со Чжи-хе нартай ямар хамтын бүтээл хийх нь олны анхаарлыг татаж байна.
Солонгосын интернэт хэрэглэгчид Ким Чин-хуныг романтик дүрд эргэн ирж байгааг маш их хүлээж байна. Олон хүн түүний дүр төрх Ли Чже-хён хэмээх дүрд маш зохицож байгааг онцолж, бусад жүжигчидтэйгээ ямар ур чадвар үзүүлэхийг тэсэн ядан хүлээж байна.