After School-ын гишүүн асан Кахи бүжиглэх багшаар ажиллаж эхэлжээ

Алдартай "After School" хамтлагийн гишүүн асан Кахи бүжиглэх багшаар шинэ амьдралаа эхлүүлсэн тухайгаа хуваалцлаа.

Саяхан Кахи өөрийн сошиал хуудсандаа "Үнэхээр гайхалтай байна~~ Кахи-гийн бүжиглэх фитнессд хамтдаа оролцоорой!!" хэмээх бичвэртэйгээ хичээлийнхээ бичлэгийг нийтэлжээ.

Нээлттэй бичлэгт Кахи гартаа микрофон барьсан байдалтай, бүжиглэх академийн оюутнуудад өөрсдөө загвар үзүүлж, эрч хүчтэй хөдөлгөөнөөрөө хичээлээ идэвхтэй удирдаж байна. Түүний олон жил завсардсан ч чансаагаа алдаагүй мэргэжлийн ур чадвар, авьяас нь олны анхаарлыг татжээ.

Үүнийг харсан жүжигчин Со Ю-жин сэтгэгдэлдээ галны тэмдэг үлдээж дэмжлэгээ илэрхийлсэн бөгөөд Кахи "Юүжин аа!!! Ирж үзээрэй!!!" хэмээн хариу барьж, найрамдлаа онцолжээ.

Өмнө нь Кахи "After School-аас гарсны дараа би үнэхээр хүнд байдалд орж байсан. Компаниас ч дэмжлэг аваагүй, амьдрахын эрхээр зовж байсан" хэмээн ярьж байв. Гэвч тэр шантралгүйгээр шинэ алхам хийхээр шийджээ. Саяхан БНСУ-д эргэн ирж, "Kissscrew" нэртэй бүжиглэх академиа байгуулан, өөрийн замаа эхлүүлсэн юм.

Дараа нь тэрээр "Хүүхдүүдийг сургах, гоё сайхан харагдуулах, хэрхэн илүү сайн бүжиглэх тухай мэдсэн бүхнээ хуваалцах, тэдний өөрчлөлтийг харах нь надад маш их таалагддаг. Мөрөөдөлгүй болсноос болж үхэж буй мэт мэдрэгдсэн уйтгар гунигтай үеүд ч байсан. "Kissscrew"-тэй учрахаас өмнө би дахин мөрөөдөж эхэлсэн" хэмээн сэтгэл хангалуун байдлаа илэрхийлжээ.

Харин Кахи 2016 онд бизнесмений гэрлэж, хоёр хүүтэй болсон. Гэрлэсний дараа 5 жил Индонезийн Балид амьдарч байгаад эх орондоо ирсэн бөгөөд одоогоор "Бүжиглэх CEO"-гийн хувиар хоёр дахь алтан үеийг туулж байна.

Солонгосын интернет хэрэглэгчид Кахи-гийн эргэн ирэлт, түүний эрч хүч, мэргэжлийн ур чадварт маш их сэтгэл хангалуун байгаагаа илэрхийлжээ. "Түүний авьяасыг үргэлж биширдэг!", "Төгс бүжигчин, багш!", "Шинэ академидаа амжилт хүсье!" гэх мэт сэтгэгдлүүд олон байна.