Лий Ён-жа: "Тэр үед би үхэхэд ч бэлэн байсан"

Алдарт телевизийн хөтлөгч Лий Ён-жа (Lee Young-ja) 2002 онд липосакцтай холбоотой дуулианы дараа тайзан дээр эргэн ирэхдээ мэдэрч байсан сэтгэл хөдлөлөө хуваалцлаа.

"Point of Omniscient Interfere" (전지적 참견 시점) хөтөлбөрийн 371-р ангид зочин Рой Кимийн (Roy Kim) бичлэгийг үзэж байхдаа Лий Ён-жа 2002 оны өөрийн эргэн ирэлтийн үеийг дурсан ярихдаа "Тэр мөчид үзэгчдийг харсан чинь миний зүрх шархлагдаж байлаа. "Энд миний амьдрал дууссан ч хамаагүй юм байна" гэж бодож байсан" хэмээжээ.

Тэрээр "Тухайн үед тодорхой явдал байсан учраас удаан завсарласны дараа тайзан дээр гарч байсан юм. Хүмүүс намайг буруутгах байх гэж айж байсан ч, үзэгчид дүүрэн байсан" хэмээн тэр үеийг дурслаа.

Нэвтрүүлэгт 2002 онд болсон "Guerrilla Concert" (게릴라 콘서트) нэвтрүүлгийн бичлэгийг үзүүлсэн бөгөөд тэнд Лий Ён-жа үзэгчдийн алга ташилтад нулимс унагааж, "Намайг үнэ цэнэгүй гэж боддог ч ийм их хайрласанд баярлалаа. Би сайн хийнэ" гэж хэлж байлаа.

Сануулахад, Лий Ён-жа 2001 онд жин хасах зорилгоор хийлгэсэн липосакц хагалгааныхаа талаар нууж байгаад хожим нь хүлээж авснаас болж худлаа ярьсан хэмээх дуулианд өртөж, улмаар телевизийн үйл ажиллагаагаа түр зогсоож, гэмшсэн юм. Дараа жил нь тэрээр "Guerrilla Concert" хөтөлбөрөөр дамжуулан олны өмнө дахин гарч ирсэн билээ.

Солонгосын интернэт хэрэглэгчид Лий Ён-жагийн шударга байдлыг магтаж, түүний тэсвэр хатуужил, тайзан дээр эргэн ирсэн нь урам зориг өгсөн гэдгийг онцлов. Олон хүмүүс түүний тайзан дээр байхдаа гаргасан чин сэтгэлийн мэдрэмж нь олон нийтийн хайр хүндэтгэлийг хүлээсэн гэж тэмдэглэжээ.