BTS хамтлагийн Жонгүк өөрийн анхны цомог "GOLDEN"-ээрээ 10 сая хувь борлуулалтанд хүрч, соло уран бүтээлчдийн дунд тэргүүлжээ!
Дэлхий даяар алдартай BTS хамтлагийн гишүүн Жонгүк соло уран бүтээлчээрээ ч өндөр амжилт үзүүлж байгаагаа дахин батлан харууллаа. Түүний анхны бие даасан "GOLDEN" цомог нь 10 сая хувь (EAS - эквивалент борлуулалт) давж, "цолоо эзэмдэгч" гэх алдрыг нь бататгалаа.
"GOLDEN" цомог нь 2023 онд гарсан бөгөөд 2025 оны 5-р сард 9.2 сая EAS-д хүрсэн бол ердөө хагас жилийн дотор 10 саяыг давсан нь БНСУ-ын соло уран бүтээлчдийн дунд хамгийн олон борлуулалттай дээд амжилтыг тогтоожээ.
Өнгөрсөн жил ч Жонгүк сүүлийн 10 жилийн хугацаанд дэлхийн эрэгтэй уран бүтээлчдийн дунд анхны цомгоороо хамгийн их борлуулалт (8.4 сая) хийсэн амжилтыг эвдсэн билээ.
Сонсголын хувьд ч Жонгүк асар их амжилт үзүүлж байна. Түүний "GOLDEN" цомог нь Spotify-д Азийн соло уран бүтээлчдийн дунд анх удаа, мөн Азийн уран бүтээлчдийн дундаас хамгийн богино хугацаанд 6.2 тэрбум сонголтод хүрчээ. Түүнчлэн, энэ цомог Spotify-н "Weekly Top Albums Global" чартад 104 долоо хоног дараалан бичигдэж, Азийн соло цомгуудын дунд "анхдагч" болон "хамгийн удаан хугацаагаар" орсон амжилтыг үргэлжлүүлж байна.
Эдгээр амжилтууд нь Жонгүкийн дэлхий дахинд үзүүлэх нөлөө, авьяас чадварыг дахин нэг удаа нотолж байна.
Солонгосын интернет хэрэглэгчид Жонгүкийн шинэ амжилтыг "жинхэнэ алтны уурхай" хэмээн магтаж, түүнийг "дүрс" хэмээн онцолж байна. Тэрээр олон амжилт тогтоосон ч тогтвортой урагшилж байгааг онцолж, цаашдын уран бүтээлүүдийг нь хүлээж байгаагаа илэрхийлжээ.