Дуучин Ён-ун болон түүний шүтөн дагуулагсад хүүхдийн хорт хавдрын эмчилгээнд 2 сая вон хандивлаа

Дуучин Ён-ун (Lim Young-woong) болон түүний "My Hero Era" фэн клубын хамтын хийж буй сайн үйлс дахин гялалзлаа. Мягмар гарагт /10-р сарын 3-нд/ Корея улсын хүүхдийн хорт хавдар судлалын сан "Sunhan Star" тэмцээний 10-р сарын ялагчаар тодорсон дуучин Ён-ун түүгээр олж авсан 2 сая воны мөнгөн шагналыг өөрийн нэрэмжит хандивласан болохыг мэдэгдэв.

"Sunhan Star" нь алдартангуудын сайн үйлсийг дэмжих зорилготой хандивын платформ бөгөөд тус аппликэйшнд оролцсон дуучны видео, дууг үзэж, даалгавруудыг биелүүлснээр тэргүүн байрт шалгарсан хүмүүсийн нэрэмжит шагнал хандивлагддаг тогтолцоотой юм. Ийнхүү шүтэн бишрэгчдийн хайр, дэмжлэг нь шууд нийгмийн сайн сайханд хувь нэмэр оруулдаг эерэг бүтэцтэй.

Ён-ун "Sunhan Star" платформоор дамжуулан нийт 114 сая воноос илүү хандивыг цуглуулаад байгаа бөгөөд тэрээр шүтэн бишрэгчидтэйгээ хамт тасралтгүй сайн үйлсийг бүтээж буй тэргүүний уран бүтээлчдийн нэгээр тодорчээ. Тэрээр зөвхөн тайзан дээрх гайхалтай үзүүлбэр төдийгүй тайзнаас буулгүйгээр ч гэсэн өглөгч сэтгэлээрээ жинхэнэ "Баатар" хэмээх цолыг илтгэж байна.

Одоогийн байдлаар Ён-ун "IM HERO" нэртэй үндэсний аялан тоглолтоо 11-р сарын 7-9-ний өдрүүдэд Дэгү хотод хийх бөгөөд үүний өмнө Инчхоноос эхлүүлээд, дараа нь Сөүл, Кванжу, Дэжон, Пусан хотуудаар аялан тоглолтоо үргэлжлүүлэхээр төлөвлөж байна. "IM HERO" (Би бол баатар) хэмээх тоглолтын нэрний утгын адил тайзан дээр шилдэг тоглолтоо хүртэл, тайзнаас гадуур бусдад туслах үйлээрээ жинхэнэ баатрын дүр төрхийг харуулж байна.

Хандивлагдсан мөнгийг хүүхдийн хорт хавдар, лейкеми, ховор тохиолдох өвчин туссан хүүхдүүдийн эмчилгээний зардалд зориулах юм.

Солонгосын интернэт хэрэглэгчид "Ён-ун үнэхээр гайхалтай хүн шүү!", "Шүтэн бишрэгчдийнхээ хамт ийм сайн үйлсийг хийж байгаа нь үнэхээр бахархуултай байна", "Цаашдаа ч иймэрхүү сайн үйлс олон хийгээрэй" хэмээн сэтгэгдэл үлдээжээ.