Манфийн дуулиан тарьсан жүжигчид нэгэн жүжигт хамтран тоглоно

Япон, Солонгос улсуудад мансуурах бодисын хэргээр шуугиан тарьсан хоёр жүжигчин нэгэн драмад хамтран тоглохоор болжээ.

Японы TOKYO MX телевиз арваннэгдүгээр сарын 1-нд "SHIBUYA_NEWS"-д мэдээлснээр, "KAT-TUN" хамтлагийн экс гишүүн Тагүчи Жүнноскэ арванхоёрдугаар сарын 22-24-нд гарах "Хэт их хүсэлтэй бүсгүй ба учиртай залуу" (欲しがり女子と?あり男子) нэртэй гурван ангит драмын гол дүрд тоглохоор болсон байна.

Мөн тус уран бүтээлд есдүгээр сард "Момогийн дуу" (モモの歌) нэртэй драмад тоглосон Пак Ён-чон багтжээ. Пак Ён-чон нь гурван сарын дараа дахин Японы драмад тоглож, тус улсад уран бүтээлийн үйл ажиллагаагаа бэхжүүлж байна.

"Хэт их хүсэлтэй бүсгүй ба учиртай залуу" зохиол нь ажлаасаа бэлгийн гүтгэлгийн хэргээр халагдаж, амьдрал нь бүхэлдээ өөрчлөгдсөн нэгэн залуу хамтын байрны менежерээр томилогдож, тэнд тохиолдох үйл явдлыг өгүүлдэг.

Жүжигчин Тагүчи Жүнноскэ 2019 оны тавдугаар сард мансуурах бодисын хуулийг зөрчсөн хэргээр баривчлагдаж, зургаан сар хорих ялтай, хоёр жилийн тэнсэн халагдах ял авч байжээ.

Харин жүжигчин Пак Ён-чон 2019 онд филофон хэрэглэсэн хэргээр баривчлагдаж, арван сар хорих ялтай, хоёр жилийн тэнсэн халагдах ял авсан юм.

Пак Ён-чон хэргийг үгүйсгэж, урлагийн салбараас зодог тайллаа гэж мэдэгдэж, уйлж байцаалт өгсөн ч хэрэг нь нотлогдож, Солонгосоос хөөгдсөн. Түүнээс хойш тэрээр Японд үйл ажиллагаагаа эхлүүлж, Японы драмад тоглохоос гадна фэн уулзалт, тоглолт зохион байгуулж, Японы урлагийн салбарт тогтвортой байр суурь эзэлжээ.

Хоёр жүжигчний нэгдсэн мэдээлэлд сүлжээний хэрэглэгчид "Энэ ямар утга учиртай сонголт вэ?", "Солонгос, Японы мансуурах бодистой холбоотой жүжигчдийн уулзалт" хэмээн шүүмжлэлээ илэрхийлж байв.

Интернэт хэрэглэгчид "Энэ ямар утга учиртай сонголт вэ?" "Солонгос, Японы мансуурах бодистой холбоотой жүжигчдийн уулзалт" гэх зэргээр шүүмжлэлээ илэрхийлсэн байна.