ITZY шинэ цомог "TUNNEL VISION"-ы клипийн тизерээ цаглаалав!

K-pop хамтлаг ITZY удахгүй гарах "TUNNEL VISION" нэртэй шинэ цомог, мөн энэ нэртэй гол дууныхаа клипийн анхны тизер видеог цацлаа.

ITZY хамтлагийн шинэ мини цомог болон түүний нэрэмдэт гол дуу нь ирэх аравдугаар сарын 10-нд 18:00 цагт албан ёсоор цацагдана. JYP Entertainment-ын албан ёсны SNS сувгуудаар трейлер видео, сурталчилгааны хуваарь, дууны жагсаалт, микс-трек, цомгийн тухай спойлер зэрэг өнгө алагласан контентыг дараалан нийтэлж байна. Харин энэ сарын 3-нд шөнө дунд шинэ дууны клипийн тизер видеог анх удаа дэлгэсэн юм.

Нээлтээ хийсэн видео нь гайхалтай визуал эффектүүдээр үзэгчдийг татаж чадсан. Гишүүдийн бодит бус дүр төрх, гурван хэмжээст дэлгэцийн найруулга нь гайхамшигтай мэдрэмжийг төрүүлж, "Focus on my level up I got tunnel vision" гэсэн үгс нь шинэ дууны агуулгын талаарх хүлээлтийг улам нэмэгдүүлэв.

"K-pop гүйцэтгэлийн хатан" гэгддэг ITZY хамтлагийн "TUNNEL VISION" дуу нь хип-хоп суурьтай, брасс хөгжмийн аялгуутай хосолсон бүжгийн дуу бөгөөд таван гишүүний хоолойн давхарласан өнгө аяс нь онцлог юм.

Мөн ITZY хамтлаг нь энэ сарын 10-нд шинэ цомгоо гаргахаас гадна 2026 оны хоёрдугаар сарын 13-15-ны өдрүүдэд Сөүл хотын Жамсил доторх цэнгэлдэх хүрээлэнд "ITZY 3RD WORLD TOUR < TUNNEL VISION > in SEOUL" нэртэй гурав дахь дэлхийн аялан тоглолтоо хийж, шүтэн бишрэгчидтэйгээ уулзах болно.

Цомог гарахтай холбогдуулан 10-нд 17:00 цагт фэнүүдтэйгээ хамт шинэ цомгийн баярыг тэмдэглэх үүднээс countdown live хийх юм.

Солонгосын интернэт хэрэглэгчид тизер видеог маш өндрөөр үнэлж, "Визуал нь үнэхээр гайхалтай байна", "Концепц нь үргэлж шинэлэг байдаг", "Тайзны ур чадвараа харуулах цаг боллоо" гэх зэргээр сэтгэгдэл үлдээжээ.