“(G)I-DLE” хамтлагийн Миен шинэ цомог “MY, Lover”-аа гаргах гэж байна: Намрын сэтгэлд шингэх “Say My Name” дуу"

“(G)I-DLE” хамтлагийн гол хоолойтой дуучин Миен (MIYEON) 11-р сарын 3-нд "MY, Lover" хэмээх хоёр дахь мини цомгоо цацах гэж байна. Энэ нь түүний 2022 онд гарсан анхны “MY” мини цомгоосоо хойшхи анхны бие даасан цомог юм.

"MY, Lover" цомог нь нийт 7 дуутай бөгөөд дуучин Миен урлагийн замналдаа хэрхэн төлөвшин хөгжсөнийг харуулах болно. Анхны цомог нь Миен өөрөө байсан бол, энэ удаагийн "MY, Lover" цомог нь хайр сэтгэлийн янз бүрийн талуудыг нээн харуулах бөгөөд салалт, харамсал, дурсамж, даван туулалт, үнэнч байдал зэрэг сэдвүүдийг тусгасан.

Миен цомог бүтээхэд идэвхтэй оролцож, "F.F.L.Y" болон "You And No One Else" дууны үгийг өөрөө бичсэн нь цомгийн агуулгад өөрийн гэсэн өнгийг оруулжээ. Цомгийн гол дуу "Say My Name"-аас гадна, өмнө нь цацагдсан "Reno (Feat. Colde)", "Space Invader", "Petal Shower", "Show" зэрэг дуунууд багтсан.

10-р сарын 28-нд цацагдсан "Reno (Feat. Colde)" дуу нь гарсан даруйдаа BUGS цагийн чартад 2-р байр, iTunes Top Song чартын Перу улсад 1-р байрт орж, амжилт үзүүлээд байна. Энэхүү дуу нь хайрыг хэт их шунал тачаал болгон хувиргах мөчийг дүрсэлсэн бөгөөд Миений онцгой хоолой, Colde-ийн оролцоо нь онцлог юм.

"Say My Name" нэртэй гол дуу нь намрын улиралд онцгой зохицохоор бүтээгдсэн поп баллад юм. Түүний гайхалтай хөгжим, Миений уянгатай хоолой нь салсан хайрын гунигт мэдрэмжийг онцгойлон харуулдаг.

Түүний агентлаг Cube Entertainment-ийн төлөөлөгч хэлэхдээ: "Миен энэхүү цомгоороо дуучин болон өөрөө дуу зохиогчийн хувьд нэг шат ахисныг харуулах болно. Намрын улиралд төгс тохирох дуунуудтай тул их дэмжлэг хvсье" гэжээ.

Миений "MY, Lover" хэмээх хоёр дахь мини цомог 11-р сарын 3-ны 18:00 цагт цацагдана.

Солонгосын интернэт хэрэглэгчид Миен-ий эргэн ирэлтийг маш их хүлээж байгаа бөгөөд "Намрын улиралд сонсоход нэн тохиромжтой дуунууд байна!", "Миний дуртай дуучин, шинэ цомог нь маш их таалагдсан" гэх зэрэг сэтгэгдлүүдийг үлдээж байна.