TWICE хамтлагийн Наён Сиднейгээс гайхалтай арын албаны зургуудыг дэлгээв

Дэлхийд алдартай "TWICE" хамтлагийн гишүүн Наён "READY TO BE" дэлхийн аяллынхаа Сидней дэх тоглолтын ард авсан гайхалтай зургуудаа гэнэт дэлгэжээ.

Наён өнгөрсөн хоёрдугаар өдөр өөрийн цахим хуудсандаа Сидней дэх тоглолтын ард авсан хэд хэдэн зургийг нийтэлсэн байна.

Зурган дээр Наён нь зоримог, загварлаг тайзны хувцсаараа олны анхаарлыг татжээ. Ялангуяа, корсет хэлбэрийн цэнхэр-бор өнгийн хээтэй, богино ханцуйтай топ болон минималист загвартай доод хувцас нь түүний нарийхан биеийг улам тодотгож байв. Нүд ирмэх, бага зэрэг хэлээ гаргах, хөөрхөн царай зэрэг түүний эрх танхил байдал нь фэнүүдэд онцгой бэлэг болжээ. Үүгээр ч зогсохгүй, "Sydney" болон "you were amazing!!!" гэсэн үгсийг нэмж, тухайн газрын фэнүүддээ халуун хайраа илэрхийлсэн байна.

Өөр нөр зурагт тэрээр хар өнгийн мөрөө задгай орхисон топ болон бүсээр чимэглэсэн мини өмд өмсөж, гайхалтай хөлийг нь харуулжээ.

"TWICE" хамтлаг нь тавдугаар сарын 1, 2-ны өдрүүдэд Австралийн Сидней хотноо "READY TO BE" хэмээх зургаа дахь дэлхийн аяллынхаа тоглолтыг хийсэн юм.

Солонгосын интернэт хэрэглэгчид "Наён үнэхээр үзэсгэлэнтэй байна, нүд салж харах аргагүй шүү", "Түүний тайзны хувцаслалт үргэлж гайхшруулдаг", "Сиднейн фэнүүд гайхалтай туршлагатай байсан байх" гэх зэргээр сэтгэгдэл үлдээжээ.