Дуучин Со Ин-ёнг жин хасах болон гоо сайхны мэс заслын талаар хуваалцлаа

"Jewelry" хамтлагийн экс гишүүн, дуучин Со Ин-ёнг өөрийн жин хасах тухай сүүлийн үеийн мэдээллээ хуваалцлаа.

10-р сарын 3-нд дуучин өөрийн цахим хуудаснаа "Жин хасаж байна" гэсэн богино тайлбартай хэд хэдэн зургийг нийтэлжээ. Зурган дээр тэрээр богино үс, хар хувцастай гайхалтай харагдаж байна.

Түүний уутлаг хар хүрэм, өвдгөнд хүрсэн урт өсгийтэй гутал нь "анхдагч загвар өмсөгч" гэгддэг түүний эр зориг, өвөрмөц "girl crush" имижийг харуулж байлаа.

Үүнээс өмнө Со Ин-ёнг амьд нэвтрүүлгээрээ 10 кг жин нэмсэн тухайгаа илэн далангүй ярьж олны анхаарлыг татаж байсан билээ. "Би 42 кг байсан, одоо 10 кг орчим нэмсэн. Урамгүй ч би өөрөө л идсэн болохоор тэгсэн байлгүй. Амттай зүйл идээд, мөнгө зарж жин нэмсэн болохоор одоо хичээнгүйлэн тураах л хэрэгтэй" хэмээн тэр хэлсэн юм.

Дуучин мөн өөрийн гадаад төрхтэй холбоотой цуу ярианы талаар нуухгүй ярьжээ. "Би хамрын мэс заслын имплантаа авсан" хэмээн тэрээр "Өмнө нь миний хамрын үзүүр хэтэрхий хурц байсан юм шиг санагддаг. Тэр үед их шуугиан болж байсан. Одоо би хамрандаа ямар нэг зүйл хийх боломжгүй болсон" хэмээн ярьсан нь анхаарал татжээ.

Сануулахад, Со Ин-ёнг 2023 онд энгийн бизнесмеетэй гэрлэсэн ч бүтэн жил орчмын дараа буюу өнгөрсөн оны 11-р сард харилцан тохиролцсоны үндсэн дээр гэрлэлтээ цуцлуулсан тухайгаа мэдэгдсэн билээ.

Солонгосын интернет хэрэглэгчид түүний жин хасах аялалд амжилт хүсч, сэтгэгдлээ харамгүй бичжээ. Олон хүн түүний гадаад төрх байдлын талаарх илэн далангүй байдлыг сайшааж, амьдралд хандах эерэг хандлагыг нь дэмжсэн байна.