DAY6 хамтлагийн гишүүн Доун хүүхдийн эмчилгээний зардалд 100 сая вон хандивлаа

Өмнөд Солонгосын алдартай "DAY6" хамтлагийн гишүүн Доун хүүхдийн эмчилгээний зардалд зориулж 100 сая вон (ойролцоогоор 72,000 ам.доллар) хандивласан нь олны анхаарлыг татлаа.

Хандивыг 10-р сарын 31-ний өдөр Самсунгийн Их Сургуулийн эмнэлэгт хүргүүлсэн бөгөөд энэ мөнгө нь тус эмнэлэгт хэвтэн эмчлүүлж буй хүүхэд, өсвөр үеийнхний мэс заслын болон бусад зайлшгүй шаардлагатай эмчилгээний зардалд нь зориулагдах юм.

Доун өөрийн сэтгэгдэлийг хуваалцахдаа "Үнэнч шүтэн бишрэгчдийн минь хайр, дэмжлэгийн ачаар би энэхүү өглөгч буяны ажилд оролцох боломжтой боллоо. Цаашид ч ирсэн хайрыг хариулан, сайн сайхны нөлөөллийг түгээхийг хичээх болно" гэжээ.

"DAY6" хамтлаг нь саяхан дебютын 10 жилийн ойгоо тэмдэглэж, идэвхтэй уран бүтээлээ туурвиж байна. Тэд 2025 оны арванхоёрдугаар сарын 19-21-ний өдрүүдэд Сөүлийн Олимпын цогцолборын KSPO DOME-д "2025 DAY6 Special Concert 'The Present'" нэртэй тусгай тоглолтоо хийж, 2025 оныг онцгойлон үдэхээр төлөвлөж байна.

Солонгосын интернэт хэрэглэгчид Доуны өгөөмөр сэтгэлийг өндрөөр үнэлж, түүний энэ сайхан үйлдлийг магтан сайшаасан сэтгэгдлүүдийг ихээр үлдээжээ. Алдартнуудын иймэрхүү буяны үйлс нь ихэвчлэн шүтэн бишрэгчдээ ч гэсэн иймэрхүү ажилд урам зориг өгдөг байна.