2025 Оны Шилдэг Моделийн Тэмцээнд Ким Же-мин тэргүүлжээ!

11-р сарын 1-ний өдөр Сөүл хотноо "2025 Оны Шилдэг Моделийн Тэмцээн"-ий финал амжилттай зохион байгуулагдлаа. Энэхүү тэмцээн нь БНСУ-ын загвар өмсөгчдийг шалгаруулах хамгийн нэр хүндтэй арга хэмжээний нэгт тооцогддог бөгөөд Ли Со-ра, Хон Жин-гён, Хан Йе-сель, Нана, Ли Сон-кён зэрэг олон алдартай моделиудыг төрүүлж байсан түүхтэй.

Энэ жилийн тэмцээний тэргүүн байрыг "K-Plus" агентлагийн модель Ким Же-мин эзэлсэн юм. Түүний тайзан дээр үзүүлсэн эрч хүчтэй илэрхийлэл, үзүүлбэр нь түүнийг ирээдүйд жүжигчин, телевизийн нэвтрүүлэгч зэрэг олон чиглэлд амжилт гаргах боломжтойг харууллаа.

Ким Же-мин загвар өмсөгчийн карьeраасаа гадна "Hypernetwork"-ийн TikTok Live-тай хамтран ажиллаж, олон улсад цаашид өөрийгөө хөгжүүлэх зорилготой байгаа юм. "Hypernetwork"-ийн гүйцэх захирал Нам Дык-хён "Манай агентлагийн жүжигчин, дуучин, модель, хошин урлагийн бүтээлчдийг үндсэн ажлынхаа үнэ цэнийг өсгөх, олон улсын тавцанд гарахэд нь бид бүх талаар туслах болно" хэмээн амлаж, Ким Же-минийг шагналд нь баяр хүргээд цаашид ч дэмжихээ илэрхийлжээ.

Солонгосын интернэт хэрэглэгчид Ким Же-миний ялалтыг маш өндрөөр үнэлж, түүнийг "Ирээдүйн Солонгосын загварын ертөнц" хэмээн магтаж байна. Түүний тайзан дээрх үзүүлбэрийг онцлон тэмдэглэж, удахгүй олон нийтэд танигдана гэдэгт итгэлтэй байгаагаа илэрхийлжээ.