RIIZE арт ертөнцөд шинэ алхам хийж байна: "Silence: Inside the Fame" үзэсгэлэн удахгүй нээгдэнэ!

SM Entertainment-ийн уран бүтээлч, залуу од RIIZE хамтлаг Илмин Урлагийн Төвтэй хамтран онцгой үзэсгэлэнгээ дэлгэнэ.

RIIZE хамтлагийн шинэ сингл "Fame"-ийн нээлтийг тохиолдуулан зохион байгуулагдах "Silence: Inside the Fame" (Дуугүй байдал: Алдрын дотор) үзэсгэлэн нь 9-р сарын 16-наас 30-ны хооронд буюу 15 хоногийн турш Сөүл хотын Илмин Урлагийн Төвд үйлчлэх юм.

"Fame" сингл нь RIIZE хамтлагийн өсөлтийн цаана нуугдсан түүхийг өгүүлэх тул, энэхүү үзэсгэлэн нь гишүүдийн дотоод мэдрэмж, сэтгэлийг дүрсэлсэн гэрэл зураг болон медиа урлагийн бүтээлээр үзэгчдийг барих нь дамжиггүй.

RIIZE хамтлаг нь IT, загвар, гоо сайхан, хүнс зэрэг төрөл бүрийн үндэсний болон олон улсын брэндүүдтэй, мөн шинэлэг соёл урлагийн төвүүдтэй амжилттай хамтран "бодит цагийн Одиссей" (өсөлтийн түүх)-гээ өвөрмөц байдлаар илэрхийлж, олны анхаарлыг татаж ирсэн билээ. Иймд энэхүү үзэсгэлэн нь ч өндөр ач холбогдолтой болох төлөвтэй.

Үзэсгэлэнг үзэхдээ Melon Ticket-ээр урьдчилж захиалга хийх бөгөөд, RIIZE-ийн албан ёсны фэн клуб болох BRIIZE-ийн гишүүд болон энгийн үзэгчдэд зориулсан цагууд тус тусад нь хуваарилагдах юм. Дэлгэрэнгүй мэдээллийг RIIZE-ийн албан ёсны сошиал хаягуудаас авах боломжтой.

RIIZE хамтлагийн "Fame" сингл нь 9-р сарын 24-нд худалдаанд гарна.

Солонгосын нетизэнчүүд энэ мэдээллийг ихэд тааламжтай хүлээн авч, "RIIZE-ийн дотоод ертөнцийг урлагаар хэрхэн харуулахыг тэсэн ядан хүлээж байна!", "RIIZE үргэлж шинэлэг зүйл хийдэг учраас энэ нь онцгой байх болно", "Би аль хэдийн захиалсан, олон гайхалтай зургийг харахыг хүсч байна!" гэх мэт сэтгэгдлүүдийг үлдээжээ.