BOYNEXTDOOR Billboard 200 чартад 5 дараалан бичигдлээ!
BOYNEXTDOOR хамтлаг АНУ-ын Billboard 200 чартын жагсаалтад 5 дараалан бичигдсэн амжилтаа тогтмол үргэлжлүүлж байна.
11-р сарын 4-ний өдөр АНУ-ын хөгжмийн томоохон байгууллага болох Billboard өөрсдийн албан ёсны сошиал хуудсаараа дамжуулан BOYNEXTDOOR хамтлагийн хамгийн сүүлийн мини цомог «The Action» нь Billboard 200 чартын 40-р байранд орсон тухайгаа зарлав. Энэ нь өмнөх «No Genre» цомгийн 62-р байрнаас 22 байр ахисан үзүүлэлт юм.
Ингэснээр BOYNEXTDOOR хамтлаг нь өмнөх «WHY..» (162-р байр), «HOW?» (93-р байр), «19.99» (40-р байр), «No Genre» (62-р байр) цомгуудын дараа «Billboard 200» чартад 5 дараалан бичигдсэн анхны K-pop хамтлаг болж байгаа бөгөөд энэ нь тус хамтлагийн олон улсын нэр хүнд өндөр байгааг харуулж байна.
«The Action» цомог нь борлуулалтын хувьд ч амжилттай яваа бөгөөд Hanteo Chart-ын мэдээллээр эхний долоо хоногт 1,041,802 ширхэг борлогдож, 3 дараалан сая борлуулалттай цомог гаргасан амжилтыг эвджээ. Үүнээс гадна, Hanteo болон Circle Chart-ын долоо хоногийн шилдэг цомгийн жагсаалтыг тэргүүлж, 10-р сарын 21-27-ны хооронд Apple Music-ийн «Алдартай цомог» жагсаалтад тэргүүлсэн байна. Япон улсад Billboard Japan «Top Album Sales» болон Oricon «Weekly Album Ranking» зэрэг чартуудад эхний байруудад орж, тус улсад ч хүчтэй байр суурь эзэлж байгаагаа харууллаа.
«Hollywood Action» нэрийн дуу нь Melon-ы өдрийн болон долоо хоногийн чартуудад 36, 21-р байранд орж, хамтлагийнхаа хамгийн өндөр үзүүлэлтийг шинэчлэн тогтоосон бөгөөд 10-р сарын 27-оос 11-р сарын 2-ны хоорондох долоо хоногийн чартын 19-р байранд жагсаж, тасралтгүй өсөлтөө харуулж байна. Мөн Line Music (Япон) «Weekly Song Top 100» чартын 6-р байрт, QQ Music (Хятад) «New Songs Chart»-д 10-р сарын 21-ээс 11-р сарын 3 хүртэл бичигдэж, дэлхийн хөгжмийн зах зээлд өргөн хэрэглэгчдийн таашаалд нийцэж байна.
BOYNEXTDOOR нь 11-р сарын 28-29-ний өдрүүдэд Хонгконгод болох «2025 MAMA AWARDS»-ын тайзнаа, мөн 12-р сарын 27-31-ний хооронд Японы Токио хотод болох «COUNTDOWN JAPAN 25/26» жилийн шилдэг фестивальд оролцохоор бэлтгэж байна.
Солонгосын интернэт хэрэглэгчид BOYNEXTDOOR-ын энэ амжилтад маш их баяр хүртэл илэрхийлж, "тэд үнэхээр чартын эзэд шүү", "хэзээ ч зогсолтгүй хамтлаг" хэмээн магтаж байна. Олон хүн тэдний Billboard 200 чартад тогтмол орж байгаа нь дэлхий дахинд нэр хүнд нь өссөнийг илтгэсэн чухал үзүүлэлт гэж онцолж, тэдний амжилтад талархал илэрхийлжээ.