NCT хамтлагийн гишүүн Жон У "This is PESTE" мюзикл концертыг амжилттай хийж, уран бүтээлчийн цар хүрээгээ тэллээ
Алдарт "NCT" хамтлагийн гишүүн Жон У "This is PESTE" мюзикл концертыг амжилттай дуусгаж, уран бүтээлчийн хувиар өөрийн авьяас чадвараа дахин нэг шат ахиуллаа.
Жон У оролцсон "This is PESTE" мюзикл концерт нь 10-р сарын 31-нээс 11-р сарын 2-ны өдрүүдэд Сөүлийн Йонсэ Их Сургуулийн их танхимд гурван өдрийн турш зохион байгуулагдсан. Энэхүү концерт нь Албер Камюгийн "Тахал" зохиолыг Со Тэжийн хөгжмөөр дахин амилуулсан "PESTE" мюзиклийн концертын хувилбар юм.
Энэхүү бүтээлд Жон У нь эерэг үйлдэл болон шаргуу зангийн бэлгэдэл болсон эмч Риегийн дүрийг бүтээжээ. Тэрээр халдварт өвчин дэлгэрч, хямралд автсан "Оран" хотыг аврахын тулд туутй итгэл үнэмшил, шударга ёсоор тэмцэж буй дүрйн дотоод сэтгэлийг гайхалтай хоолой, өргөн цар хүрээтэй нүдний хувирал, биеийн хөдөлгөөн, жүжгийн явцыг холбосон өгүүлэмжээр маш амьд бодит байдлаар харуулж, үзэгчдийг жүжигт бүрэн автуулж чадсан юм.
Түүнчлэн, айдас түгшүүрийг дүрсэлсэн "T'IK T'AK", ертөнцийг анхааруулах утгатай "난 알아요" зэрэг хүчирхэг, эрч хүнтэй дуунуудаас эхлээд, уянгалаг хоолой, зөөлөн мэдрэмжээр хайртай хүмүүстэйгээ сэтгэлээ хуваалцсан "너에게", гуниг болон эргэлзэлийн мэдрэмжийг нам дуугаар илэрхийлсэн "슬픈 아픔", "COMA", энх тайвныг хүсэн ерөөж, итгэл төгс дуулсан "TAKE FIVE", "LIVE WIRE" зэрэг олон төрлийн уран бүтээлүүдийг дуулж, өөрийн чансаатай болоод өргөн цар хүрээтэй ур чадвараа харуулж, үзэгчдийг зохиолын ертөнц рүү амжилттай хөтөлж чадлаа.
Жон У "Хүндэт Со Тэжи ахын хөгжмийг дуулж, тэмдэглүүлж байсан нь үнэхээр нэр төрийн хэрэг байсан бөгөөд энэ нь надад маш их утга учиртай туршлага болсон. Эхэндээ их сандарч байсан ч, удтал хугацаанд хичээнгүйлэн бэлтгэсэн учраас Рие шиг надад оногдсон үүргээ чадлынхаа хэрээр биелүүлэхийг хичээсэн. Намайг төгсгөл хүртэл нь дэмжиж байсан үзэгчдийн ачаар би тайзыг амжилттай орхиж чадсан бөгөөд энэ нь надад улам бүр хөгжих боломжийг олгосон. Цаашид ч илүү боловсронгуй дүр төрхийг харуулж хариу нэхэх болно. Үргэлж чин сэтгэлээсээ талархаж явдаг" хэмээн сэтгэгдлээ хуваалцлаа.
Жон У ирэх арванхоёрдугаар сарын 28-ны өдөр Сөүлийн Олимпын цогцолборын "Ticketlink Live Arena" (гар бөмбөгийн ордон)-д 15:00 болон 20:00 цагаас тус тус хоёр удаагийн "Golden Sugar Time" хэмээх бие даасан фен уулзалтыг зохион байгуулах гэж байна.
Монголын шүтэн бишрэгчид Жон У-гийн "This is PESTE" мюзикл концертын тоглолтыг маш өндрөөр үнэлж, түүний хоолойн чанар, жүжиглэлтийн ур чадварыг онцолжээ. Тэрээр зохиолын дүрийн төвөгтэй мэдрэмжүүдийг амьд авч үздэг чадварыг нь магтаж, түүний уран бүтээлчийн хувьд хэрхэн хөгжиж буйд гайхширч буйгаа илэрхийлсэн байна. Олон хүн түүний хамтлагийн үйл ажиллагаа болон бие даасан уран бүтээлээ хослуулж чаддаг чадварыг нь шагширч байна.