Вьетнамын загварын шоунд Корей фитнес модель Ли Дэ-вон анхаарлын төвд

БНСУ-ын фитнес аварга, загвар өмсөгч Ли Дэ-вон (Lee De-won) Вьетнам улсад зохион байгуулагдсан "Vietnam Icon Fashion Tour 2025" загварын шоунд оролцож, олны анхаарлыг татлаа.

Өнгөрсөн сарын 2-нд Вьетнамын Хо Ши Мин хот болон Вунгтау хотуудад болсон энэхүү арга хэмжээнд Ли Дэ-вон загвар өмсөгчөөр оролцон, солонгос эр хүний хүчирхэг байдлыг харуулсан юм.

Түүнийг Вьетнамын алдарт үнэт эдлэл, загвар зохион бүтээгч Чау Бау Нгок Нга (CHAU BAU NGOC NGA) урьсан байна. Зохион бүтээгч Чау Бау Нгок Нга энэхүү коллекцид Вьетнамын урлагийн мэдрэмж болон орчин үеийн загварыг хослуулж, Ли Дэ-воныг гол загвар өмсөгчөөр сонгон, эршүүнд зохих хүчирхэг байдал, гоёмсог хэв маягийг төгс илэрхийлсэн билээ.

Ли Дэ-вон нь Солонгост фитнес моделийн хувиар амжилттай ажиллаж, "Musclemania" дэлхийн аварга шалгаруулах тэмцээний Physique төрөлд Гранпри шагнал зэрэг олон улс болон дотоодын тэмцээнүүдэд амжилт гаргасан тамирчин юм. Тэрээр сүүлийн үед Вьетнамын загварын шоунд тогтмол уригдан оролцож, Солонгос болон Вьетнамыг холбосон олон улсын хэмжээний загвар өмсөгч болж баттай байр суурь эзэлж байна.

Зохион бүтээгч Чау Бау Нгок Нга 2026 онд болох Нью-Йоркийн загнаврын долоо хоногт (New York Fashion Week) энэхүү бүтээлээ танилцуулах бөгөөд Ли Дэ-вонтой хийсэн хамтын ажиллагаагаар дамжуулан Вьетнамын загварын нэр хүндийг олон улсын тавцанд өргөжүүлэхээр төлөвлөж байна.

Ли Дэ-вон "Загвар болон фитнес нь хоёулаа өөрийгөө илэрхийлэх урлаг юм. Вьетнамын тайзнаа Солонгосын эрч хүч болон итгэл төгс байдлыг харуулж чадсандаа би маш их бахархаж байна" хэмээн сэтгэгдлээ хуваалцсан юм.

Вьетнам дахь солонгосчууд болон орон нутгийн иргэд түүнийг "Гайхалтай харагдаж байна", "Дэлхийн тайзнаа харахыг хүсч байна" хэмээн магтаж, "Ийм авьяастай хүмүүсийг хараад Солонгосоор бахархаж байна" гэх зэргээр ам сайтай байна.