(G)I-DLE хамтлагийн гишүүн Миён (MIYEON)-ы шинэ цомог "MY, Lover"-ын нэрэмжит поп-ап дэлгүүр нээгдлээ!
К-поп хамтлаг (G)I-DLE-ын гишүүн Миён (MIYEON) шинэ цомог "MY, Lover"-аа гаргасантай холбогдуулан фэнүүддээ зориулсан онцгой поп-ап арга хэмжээг зохион байгуулж байна.
Уг поп-ап дэлгүүр нь 4-р сарын 5-аас 4-р сарын 11-нийг хүртэл 7 хоногийн турш Сөүл хотын Ёнгдеонгпо Тайм Скүэр (Times Square)-ын нэгдүгээр давхрын А арт өргөн чөлөөнд ажиллах юм.
Энэхүү поп-ап нь Миён-ы "MY, Lover" мини цомгийн сэдвийг шингээсэн урлагийн бүтээлүүд болон том хэмжээний фото талбайгаар чимэглэгдсэн бөгөөд түүний өвөрмөц мэдрэмжийг харуулна. Түүнчлэн, "MY, Lover" фото карт, тэмдэглэлийн дэвтэр, цаасан зурагтай соронз, ID фото хавтастай толь зэрэг олон төрлийн MD бүтээгдэхүүнээс гадна, хагас цахилгаантай хүрэм, мөрний цүнх, хөнжил, мини үслэг түрийвчтэй түлхүүрийн оосор зэрэг өдөр тутамдаа хэрэглэх боломжтой бараа бүтээгдэхүүнүүд бэлдсэн нь фэнүүдийн цуглуулах хүслийг өдөөх нь дамсаггүй.
Тус арга хэмжээнд олон төрлийн хөнгөлөлт, бэлэгтэй байх бөгөөд заавал оруулах ёстой хэштег бүхий поп-апын талаарх сэтгэгдлээ SNS-д нийтэлсэн хүмүүсийн дундаас Миён-ы гарын үсэгтэй фото картыг бэлгэнд авах боломжтой. Худалдан авалтын баримтан дээр Миён-ы гараар бичсэн захиас хэвлэгдэн гарч, онцгой дурсамжийг нэмэх болно.
"MIYEON 2nd Mini Album [MY, Lover] POP-UP" нь Сөүл хотод эхэлсний дараа энэ сард Тайбэй хотод ч мөн нээгдэж, орон нутгийн фэнүүдтэйгээ уулзахаар төлөвлөж байна.
Миён-ы "MY, Lover" хоёр дахь мини цомог нь 3-нд худалдаанд гарсан даруйдаа БНХАУ-ын QQ Music платформд өдрийн болон долоо хоногийн шилдэг борлуулалттай цомгийн жагсаалтыг тэргүүлсэн. Түүнчлэн, "Say My Name" нэрийн гол дуу нь БНСУ-ын Buxs цахим хөгжмийн чартад нэгдүгээрт бичигдэж, Melon HOT 100 чартын дээгүүрт эрэмбэлэгдсэн нь дотоод болон гадаад улсын хөгжмийн чартуудад амжилттай гараагаа эхлүүлснийг харуулж байна.
Солонгосын интернэт хэрэглэгчид "Цомгийн концепц үнэхээр гайхалтай!", "Бүх зүйлийг нь цуглуулахыг хүсч байна, поп-ап руу яараарай!" гэх зэрэг сэтгэгдлүүдээр Миён-ы шинэ цомгийн талаарх баяр хөөрөө илэрхийлж байна.