MONSTA X шинээр "baby blue" дижитал дуугаа дэлхийн сонсогчдод хүргэхээр бэлдэж байна
MONSTA X хамтлагийн гишүүд Шону, Минхёк, Кихён, Хёнвон, Жүхён, Айэм нар дэлхийн хөгжим сонирхогчдыг шинэ дуугаараа баярлуулахаар бэлдэж байна.
БНСУ-ын цагаар энэ сарын 3-нд тэдний агентлаг Starship Entertainment нь MONSTA X-ийн албан ёсны сошиал хуудсуудаараа шинэ Америк дижитал сингл "baby blue"-ийн "Coming Soon" зургийг нийтэлж, гаргах тухайгаа мэдэгдлээ. MONSTA X-ийн шинэ дуу "baby blue" нь дэлхий даяарх бүх хөгжим түгээх платформ дээр тухайн улсын цагаар 14-ний шөнө 0 цагт цацагдах юм.
MONSTA X нь K-pop Америкийн зах зээлд өргөн нэвтрэхээс өмнө тайз болон хөгжмөөрөө тогтмол хүчтэй байр сууриа эзэлсэн хамтлаг юм. 2018 онд АНУ-ын томоохон медиа групп болох iHeartRadio-оос зохион байгуулдаг "Jingle Ball Tour" хөгжмийн томоохон наадамд K-pop хамтлаг анх удаа уригдсан бөгөөд 2019, 2021 онд ч мөн дараалан уригдаж, тайзнаа гарч байсан.
Америкийн алдарт хөгжмийн суваг MTV "Jingle Ball"-д оролцсоныг нь "түүхэн үйл явдал" хэмээн үнэлж байжээ. Энэ жил хамтлаг байгуулагдсаны 10 жилийн ой тохиож байгаа бөгөөд "2025 iHeartRadio Jingle Ball Tour"-т оролцохоо зарласнаар "түүхэн дөрөв дэх удаагаа" оролцож буй томоохон уран бүтээлчдийн байр сууриа улам бэхжүүлж байна.
Америкийн зах зээл дэх тэдний борлуулалтын амжилт ч гайхалтай. MONSTA X 2020 онд гаргасан анхны Америк бүрэн хэмжээний цомог "ALL ABOUT LUV" нь Billboard-ын "Billboard 200" чартын 5-р байрт бичигдсэн бол, хоёр дахь Англи хэл дээрх цомог "THE DREAMING" нь мөн уг чартад 2 долоо хоногийн турш бичигдсэн.
Мөн энэ есдүгээр сард гарсан БНСУ-ын цомог "THE X" нь "Billboard 200" чартын 31-р байрт орж, БНСУ-ын цомог анх удаа уг чартад бичигдсэн түүхтэй. Үүнээс гадна "World Albums", "Independent Albums", "Top Album Sales", "Top Current Album Sales", "Billboard Artist 100" зэрэг олон чартуудад багтаж, MONSTA X-ийн тогтвортой дэлхийн нөлөөг баталгаажуулсан.
Ийм амжилтын дунд АНУ-ын дижитал сингл "baby blue"-ийн гаралт нь дэлхийн сонсогчдын хүлээлтийг улам бүр өдөөж байна. Чанартай хөгжим, үзүүштэй тоглолт, төгс төгөлдөр багийн хамтын ажиллагаа, MONSTA X-ийн өөрийн өвөрмөц хөгжмийн хэв маягаар дэлхийг дахин доргиулах MONSTA X-ийн цаашдын уран бүтээлийн замд анхаарлаа хандуулах нь зүйтэй.
Нэмж дурдахад, MONSTA X "baby blue" нэртэй Америк дижитал синглээ дэлхий даяар хөгжим түгээх платформ дээр тухайн улсын цагаар 14-ний шөнө 0 цагт гаргах болно.
MONSTA X-ийн шинэ дууны тухай мэдээг сонссон солонгос интернэт хэрэглэгчид ""baby blue" дууг хүлээж байна! MONSTA X-ийн дуу цаанаа л өөр шүү", ""baby blue" нэрийг нь сонсоод л догдолж байна, энэ удаад ч амжилттай болох нь гарцаагүй" гэх зэрэг сэтгэгдлүүд үлдээсэн байна.