TVXQ-ийн гишүүн Юно Юнхо Ерөнхийлөгчийн шагнал хүртсэний талаар ярилаа
Алдартай хамтлаг TVXQ-ийн гишүүн Юно Юнхо саяхан Ерөнхийлөгчийн шагнал хүртсэнтэй холбоотой сэтгэгдлээ хуваалцлаа.
Өнгөрсөн тавдугаар сарын 5-нд Сөүл хотын Софител Амбассадор зочид буудлын их танхимд болсон түүний анхны соло студи цомог "I-KNOW"-ийн нээлтийн хэвлэлийн бага хурал дээр тэрээр TVXQ хамтлаг "БНСУ-ын Ардын урлаг, соёлын 16-р шагнал гардуулах ёслол"-д Ерөнхийлөгчийн шагнал авсан тухай дурджээ.
"K-pop салбарт TVXQ ийм сайхан шагнал хүртсэн нь бидний өдийг хүртэл хийсэн бүтээлүүдийн үр шимийг харуулж байна" хэмээн тэрээр ярьсан байна.
Тэрээр цааш нь "Манай хамтлаг азтай л хэвлэмэл, CD, одоо дижитал гээд бүх төрлийн форматтай танилцсан уран бүтээлч байх гэж боддог. Одоог хүртэл идэвхтэй уран бүтээл хийж байгаадаа баяртай байна. Зөвхөн TVXQ төдийгүй олон залуу уран бүтээлчид биднийг сайн ахмад, үлгэр жишээ гэж хэлдэг нь бидний үйлсийг цааш нь үргэлжлүүлэхэд эерэг нөлөө үзүүлсэн байх" хэмээн нэмж хэлжээ.
TVXQ өнгөрсөн сарын 23-нд болсон "БНСУ-ын Ардын урлаг, соёлын 16-р шагнал гардуулах ёслол"-д Ерөнхийлөгчийн шагнал хүртсэн билээ. Энэхүү ёслол нь ардын урлаг, соёлын салбарт төрөөс олгодог хамгийн нэр хүндтэй шагнал бөгөөд Солонгосын урлагийг дэлгэрүүлэх, салбарыг хөгжүүлэхэд хувь нэмэр оруулсан уран бүтээлчид, байгууллагуудад олгогддог.
TVXQ 2023 онд БНСУ-д анх нээлтээ хийсний 20 жилийн ойг тэмдэглэж, энэ онд Японд нээлтээ хийсний 20 жилийн ойгоо тохиож байна. Тэд Токио Доум болон Японы бусад томоохон талбайнуудад гадаадын уран бүтээлчдээс хамгийн олон удаа тоглолт хийснээр өөрийн дээд амжилтыг шинэчлэн тогтоож, K-pop-ийн жинхэнэ домог болсон уран бүтээлч хэвээр байна. Тэд хамтлагаараа болон ганцаарчилсан уран бүтээлээрээ дуу хөгжим, жүжиг, мюзикл, энтертайнмент зэрэг олон салбарт идэвхтэй үйл ажиллагаа явуулж байгаа юм.
Солонгосын интернэт хэрэглэгчид TVXQ-ийн амжилтыг гайхширч, "K-pop-ийн домогууд үргэлжлэн оргилуудыг эзэлж байна!", "Маш зохистой шагнал, тэдний оруулсан хувь нэмэр үнэлж баршгүй юм", "Үргэлж TVXQ-оор бахархдаг, цаашдын амжилтанд нь итгэлтэй байна" гэх зэрэг сэтгэгдлүүдийг үлдээжээ.