NEWBEAT хамгийн анхны мини цомог "LOUDER THAN EVER"-ээ гаргаж, VR форматтай уран бүтээл танилцуулна!
Ёсөн гишүүнээс бүрдсэн "NEWBEAT" хамтлаг өөрсдийн анхны мини цомог "LOUDER THAN EVER"-ээ ирэх 6-ны өдрийн 12:00 цагт цахим хөгжмийн платформд гаргахаар бэлдэж байна.
Энэхүү цомог нь "NEWBEAT" хамтлагийн дэлхийн хөгжмийн тавцанд гарах анхны алхам болно. Цомог нь бүхэлдээ англи хэл дээр туурвигдсан дуунуудтай бөгөөд олон улсын алдартай продюсерүүдтэй хамтран ажилласан нь тэдний глобал амбицийг харуулж байна.
"NEWBEAT" хамтлаг нь "LOUDER THAN EVER" цомогтоо "Look So Good" болон "LOUD" гэсэн хоёр гол дууг онцолжээ. "Look So Good" дуу нь Y2K хөгжмийн хэв маягийг ашиглан хамтлагийн өөртөө итгэх итгэл ба өвөрмөц чанарыг илэрхийлдэг бол "LOUD" нь дэлхий ертөнц рүү чиглэсэн анхны дуу хоолой болж, Bass House, Rock, Hyperpop зэрэг хөгжмийн элементүүдийг хослуулсан юм.
Онцлох зүйл нь "NEWBEAT" хамтлаг дэлхий дээр анх удаа VR (виртуал бодит байдал) форматтай цомгийг танилцуулж байгаа явдал юм. Тэд мөн цомог гарсны дараа буюу 6-ны өдөр SBS KPOP YouTube сувгаар амьд шоукейс хийх болно.
Солонгосын интернэт хэрэглэгчид "NEWBEAT"-ийн энэхүү шинэлэг алхмыг өндрөөр үнэлж байна. "VR цомог гаргана гэж сонсоод их гайхаж байна, ямар онцгой юм бол", "Продюсерүүд нь нэр хүндтэй хүмүүс байна лээ, дуунууд нь хэр байх бол догдлон хүлээж байна" хэмээн сэтгэгдэл үлдээжээ.