NEWBEAT хамтлаг 'LOUDER THAN EVER' анхны мини-албумаараа эргэн ирж байна!

NEWBEAT хамтлаг дебют хийснээс хойш 8 сарын дараа анхны мини-албум болох 'LOUDER THAN EVER'-аа 6-р сарын 6-нд гаргаж, эргэн ирэлттээ хийхээр бэлдэж байна.

Албумаа гаргахаас өмнө хамтлагийн гишүүд OSEN-тэй хийсэн ярилцлагадаа сэтгэл хөдлөлөө хуваалцлаа.

"8 сар завсарлагатай байсан. Энэ хугацаанд бид 'NEWBEAT-ийн онцлог юу вэ?' гэж маш их бодож, ямар байдлаар эргэн ирвэл шинэлэг байх бол хэмээн судалсан. Тиймээс удаан бэлдсэн учраас их хүлээлттэй байна" хэмээн гишүүд ярьлаа.

Шинэ мини-албум 'LOUDER THAN EVER' нь NEWBEAT-ийн дэлхийн зах зээлд чиглэсэн зорилгоо тодорхой харуулсан бөгөөд бүх дуу нь англи хэл дээр бичигдсэн нь хэн ч шууд ойлгож, мэдрэх боломжтой мессеж болон мэдрэмжтэй дуу авиаг агуулж байна.

"Бид шинэ төрлүүдийг туршиж үзэхийг хүссэн. Тиймээс мини-албумдаа поп жанрын дуу оруулж, бүх дууг англиар хийсэн. Энэ бол NEWBEAT-ийн шинэлэг байдлыг харуулсан зүйл" гэж Пак Мин-сок тайллаа.

Ким Ри-ү "Англи хэл ихтэй байсан тул бид дуу авиа, өнгө аялгаа сайжруулах тал дээр маш их ажилласан. Юн-ху ах англи хэл сайн мэддэг учраас надад дуу авиа зааж өгөхөд их тусалсан" гэв.

"Бидний концепт ч мөн өөрчлөгдсөн. Анхны албумд маань хүчтэй, өнгөлөг дүр төрх байсан бол 'Look So Good' нь илүү боловсронгуй болсон. Бүжиг нь ч илүү уян налархай, секси тал руугаа чиглэсэн. Та нар огт өөр NEWBEAT-ийг харах байх" хэмээн Жон Ё-ёон онцоллоо.

"Ахлагч дуу 'Look So Good' нь өөрийгөө яг байгаагаар нь хайрлаж, үзэсгэлэнтэй гэдгийг хүлээн зөвшөөрөх тухай мессежийг агуулсан. Дууны аялга нь илүү тогтвортой, гэхдээ бас секси поп-грув хэмнэлтэй болсон нь гишүүдийн боловсорсон байдлыг харуулж байна" хэмээн Пак Мин-сок нэмж хэлэв.

Солонгосын netizen-үүд хамтлагийн эргэн ирэлтийг маш их хүлээж байгаагаа илэрхийлжээ. "Шинэ цомгийг сонсохыг тэсэн ядан хүлээж байна!", "NEWBEAT үргэлж өөрсдийн дуу, концепцоороо гайхагдуулдаг!", "8 сар хүлээсэн нь зүгээр нэг байсангүй!" гэх зэрэг сэтгэгдлүүд их байна.