AOMG-ийн анхны эмэгтэй хамтлаг "MESSY GIRLS"-ийн кастингийн бичлэг цацагджээ
Глобал хип-хоп продакшн AOMG өөрийн анхны эмэгтэй хамтлагийн "MESSY GIRLS" нэртэй анхны контентыг цацлаа.
AOMG энэ сарын 5-ны өдөр албан ёсны YouTube сувгааар "MESSY GIRLS" нэртэй шинэ плейлистийг нээн, хамтлагийн гишүүдийг танилцуулсан кастингийн бичлэгийг байршуулсан байна.
Хар цагаан өнгөтэй эхэлдэг энэхүү бичлэг нь AOMG-ийн шинэ эмэгтэй хамтлагийн гайхалтай гоо зүйн мэдрэмж, эрх чөлөөтэй уур амьсгалыг харуулж байна. Гишүүд тус бүр нь өөрсдийн өвөрмөц байдлыг харуулсан сэтгэл татам дүр төрх, уур амьсгалыг бүрдүүлж чаджээ. Гишүүдийн хоорондын зохицол болон хөдөлгөөнөөрөө илэрхийлж буй хип-хоп байдал нь онцгой анхаарал татаж байна.
Ялангуяа дэвсгэр хөгжмийн мэдрэмжтэй дууны дизайн нь AOMG-ийн дараагийн уран бүтээлчдийн тренд чиг хандлагыг харуулж байна. Энэхүү дууг айдол дуучин асан toni rei (Нам До-хьон) продюсерлэсэн бөгөөд удахгүй гарах хамтлагийн шинэ цомогт багтах юм.
Бичлэгийн төгсгөлд богино хугацаанд өнгө рүү шилжин "WE ARE CREW" гэсэн бичиг, AOMG-ийн товчлолоос үүссэн "[Invitation] To. All Our Messy Girls" гэсэн уриа гарч ирснээр шинэ гишүүдийг урьж буй байдал нь сонирхолтой байна.
AOMG нь энэ сарын 3-нд "2025 AOMG Global Crew Audition"-ийг зарласнаар байгуулагдсан цагаасаа хойш анх удаа эмэгтэй хамтлаг байгуулах ажлаа эхлүүлсэн билээ. Энэхүү шалгаруулалт нь 2005-2010 онд төрсөн эмэгтэйчүүдийг хамруулах бөгөөд дуу, реп, бүжиг төдийгүй зураг, видео арт, загвар, продюсер зэрэг олон төрлийн урлагийн салбарт авьяаслаг уран бүтээлчдийг эрж хайж байна.
AOMG нь "make it new" гэсэн уриатайгаар 2.0 шинэчлэлтээ хийж, өөрийн суурийг бэхжүүлж байна. Оны эхний хагаст SIKKOO хамтарсан хип-хоп хамтлагийг элсүүлж, анхны цомгийг амжилттай гаргасны дараа, оны хоёрдугаар хагаст эмэгтэй хамтлагийн бэлтгэл ажилдаа эрчимтэй ханцуй шамлаад байна.
AOMG нь "MESSY GIRLS" плейлистаар дамжуулан дэлхийн эмэгтэй хамтлагийн өвөрмөц онцлог, стилийг харуулсан төрөл бүрийн контентыг дарааллан танилцуулах болно.
Солонгосын интернэт хэрэглэгчид AOMG-ийн анхны эмэгтэй хамтлагийн талаар ихээхэн хүлээлттэй байгаагаа илэрхийлжээ. Олон хүн кастингийн бичлэгийн чанарыг онцолж, ялангуяа toni rei-гийн оролцоог харгалзан хөгжмийг тэсэн ядан хүлээж байна. "Энэ маш загварлаг харагдаж байна, би аль хэдийн гайхалтай дуунуудыг төсөөлж байна!", хэмээн нэгэн шүүмжлэгч бичжээ.