Жүжигчин Жон Жон-со Холливудын "Хайлендер"-т тоглоно

Солонгосын алдарт жүжигчин Жон Жон-со (Jeon Jong-seo) Холливудын шинэ "Хайлендер" (Highlander) кинонд тоглохоор боллоо.

Энэхүү төслийн төсөв нь 100 сая ам.долларт хүрч байгаа бөгөөд Генри Кавилл, Марк Руффало, Рассел Кроу, Дэйв Батиста, Карен Гиллан, Жереми Айронс зэрэг олон алдартай жүжигчид тоглох юм. "Жон Уик" (John Wick) киноны найруулагч Чад Стахелски энэ бүтээлийг найруулж байгаа аж.

Жон Жон-со тус кинонд мөнх бус хүмүүсийг хянадаг "Варчууд" (The Watchers) нэртэй нууц бүлгийн гишүүний дүрийг бүтээх юм байна.

"Хайлендер" анх 1986 онд гарсан бөгөөд олон жилийн турш өөрийн гэсэн фэнүүдтэй болсон өвөрмөц цуврал билээ. Энэхүү шинэчлэгдсэн хувилбар нь анхны фэнүүд болон шинэ үзэгчдийн өндөр хүлээлтийг дагуулж байна.

Жон Жон-со өмнө нь "Шатах" (Burning), "Мона Лиза ба Цусны Сар" (Mona Lisa and the Blood Moon), "Төсөл Y" (Project Y) зэрэг олон улсын хэмжээний бүтээлүүдэд тоглож байсан туршлагатай. "Хайлендер" киноны зураг авалт 2026 оны эхээр эхэлнэ.

Солонгосын интернэт хэрэглэгчид Жон Жон-сог Холливудын томоохон төсөлд шалгарсанд нь баяр хүргэж, түүний уран бүтээлийн цаашдын амжилтанд итгэл төгс байгаагаа илэрхийлжээ. "Жинхэнэ чадвар гадаадад үнэлэгдлээ", "Ирээдүйдээ итгэж байна" зэрэг сэтгэгдлүүд олон байв.