Жүжигчин Шим Хён-такийн хүү Хару сурталчилгаанд тогложээ
Алдарт жүжигчин Шим Хён-такийн бяцхан хүү Хару сурталчилгааны загвар өмсөгчөөр анхны гараагаа хийлээ.
Саяхан нэгэн алдартай брэндийн зүгээс Шим Хён-такийн Япон эхнэр Сая болон тэдний хүү Хару нартай хамт бүтээсэн фото зургуудыг олон нийтэд дэлгэжээ.
Зургуудаас харахад, ээж Сая хүү Харугаа тэврэн, энхрий харцаар инээмсэглэн хайрыг мэдрүүлж байна. Хару ч ээжийнхээ цээжинд аз жаргалтай инээмсэглэн, бяцхан хүүхдийн гэгээн дүр төрхийг харуулжээ. Өөр нэгэн зурагт тэрбээр дулаахан хөнжилд ороосон байдалтай, камера руу сониуч нүдээр харж буйгаар буусан байна.
Шим Хён-так нь 2022 онд өөрөөсөө 18 дүү Япон бүсгүй Саятай гэр бүл болж, 2023 онд БНСУ болон Япон улсад хуримаа хийсэн. Энэ оны нэгдүгээр сард тэдний анхны хүү Хару мэндэлсэн бөгөөд одоогоор KBS 2TV телевизийн "Супермэний буцах нь" нэвтрүүлгээр гэр бүлийн амьдралаа үзэгчдэд хүргэж байгаа билээ.
Солонгосын интернэт хэрэглэгчид хүү Харугийн анхны алхамыг ихэд дэмжиж, "Дэлхийн хамгийн хөөрхөн хүүхэд", "Ээжтэйгээ их адилхан харагдаж байна" хэмээн шагширчээ. Мөн "Аль хэдийн сурталчилгааны модель болчихлоо, гайхалтай" гэсэн сэтгэгдлүүд ч байв.