Netflix-ийн од жүжигчин Чон Сог-хо "Турк блюз"-д тоглохоор боллоо
Netflix-ийн "Сквайдийн тоглоом", "Хаант улс" зэрэг алдартай бүтээлээрээ дэлхий дахинд танигдсан жүжигчин Чон Сог-хо жүжгийн тайзнаа эргэн ирж байна. Тэрбээр сүүлийн 3 жилийн хугацаанд тайзнаа гараагүй бөгөөд энэ удаагийн "Турк блюз" уран бүтээлд тоглох нь түүний хувьд онцгой ач холбогдолтой юм. Учир нь жүжигчин анх "Турк блюз"-ийн анхны тоглолтоос эхлэн оролцож байсан билээ.
"Турк блюз" жүжгийн тоглолт энэ оны арванхоёрдугаар сарын 6-наас ирэх оны хоёрдугаар сарын 2 хүртэл Сөүл хотын Ёүсүл-е-чон театрт болох юм. Энэ нь жүжигчин Чон Сог-хогийн 2022 онд тоглосон "Латин клуб" жүжгээс хойш 3 жилийн дараа үзэгчдэдээ харагдах гэж буй тоглолт юм.
"Турк блюз" нь 2013 онд анх тоглогдож, 2016 он хүртэл үргэлжилсэн "Ёнву Мудэ" театрын аяллын жүжгийн цувралын нэгэн төлөөлөл бөгөөд 10 жилийн дараа дахин тоглолтоо хийх гэж байна. Энэ жүжигт Чон Сог-хо анх тоглогдож байхад гол дүрийг бүтээж байсан тул түүний хувьд онцгой утга учиртай тоглолт болно.
Жүжгийн хуучийг өгүүлэхэд, багадаа анд нөхдийн холбоотой байсан хоёр залуу цаг хугалцаа өнгөрөхөд бие биенээ өөр өөрсдийнхөө хэлбэрээр дурсан санадаг тухай өгүүлдэг. Тохиолдлын улмаас холдохдоо тун ойрхон байсан хоёр найз "аялал", "хөгжим" гэх дуртай зүйлсээ хуваалцсанаар өнгөрсөн үеийн дурсамжаа сэргээн дурсах болно.
Чон Сог-хо жүжигт бага насны дурсамжаа сэргээхийн тулд Турк рүү аялдаг "Им Жу-хёк"-ийн дүрд тоглоно. Түүний бага насны найзын дүрд, мөн жүжгийн анхны тоглолтоос эхлэн хамтран ажилласан жүжигчин Ким Да-хин тоглож, 10 жилийн дараа дахин нэгдэж байна. Тэрбээр хөгжмийнхөө тусламжтайгаар өнгөрсөн үеэ эргэн дурсах болно.
"Бид өөрсдийн өнгө төрхийг харуулж чадахын тулд чадах бүхнээ хийнэ" гэж Чон Сог-хо хэлсэн бөгөөд "Үзэгчид маань ч мөн бидний өнгөнд автан, энэ мэдрэмжийг мэдрээсэй гэж найдаж байна" гэжээ.
Солонгосын интернэт хэрэглэгчид жүжигчний тайзнаа эргэн ирж буйд ихэд баярлаж байна. Олон хүн түүний авьяас чадвар, жүжиглэлтийг магтаж, ялангуяа алдартай цуврал дахь дүрийг нь дурдаж байна. Фэнүүд түүнийг амьдаар нь үзэх боломжтой болсондоо тэсэн ядан хүлээж байгаа юм.