Пак Ши-ху 10 жилийн дараа "Бурхны найрал хөгжим" киногоороо эргэн ирж байна
Алдартай жүжигчин Пак Ши-ху (Park Si-hoo) арван жилийн дараа дэлгэцнээ эргэн ирж, "Бурхны найрал хөгжим" (신의악단) хэмээх шинэ киногоо 12-р сард нээхээр бэлдэж байна.
Энэхүү кино нь гадаад валют олох зорилгоор БНАСАУ-д хуурамч сурталчилгааны найрал хөгжим байгуулах түүхийг өгүүлдэг. Пак Ши-ху тус кинонд 200 сая ам.доллар олохын тулд "хуурамч найрал хөгжим" байгуулах даалгаврыг удирдсан БНАСАУ-ын Аюулаас хамгаалах яамны офицер Пак Кё-сүний (Park Gyo-soon) дүрд тоглоно.
"Олон жилийн дараа эргэн ирж байгаа тул би зохиолыг маш нухацтай авч үзсэн. "Бурхны найрал хөгжим" киноны "хуурамч найрал хөгжим" гэх гэгээлэг санаа, түүн дотор "Пак Кё-сүнь" хэмээх дүр нь туулж өнгөрүүлсэн дотоод зөрчил, эрс тэс хоёр талт байдал нь надад маш их таалагдсан. Эргэлзэх шалтгаан байгаагүй" гэж Пак Ши-ху киноны сонголтынхоо талаар тайлбарлав.
Тэрээр мөн "Би анх удаа Хойд Солонгосын цэргийн дүрд тоглож, олон жилийн дараа хамгийн шилдэг баг хамт олон, болон нөхөдтэйгээ хамт зугаатай зураг авалт хийсэн. Халуун сэтгэлээр дүүрэн кинотой та бүхэнтэйгээ уулзах болно" гэж сэтгэгдлээ хуваалцжээ.
Энэхүү киноны зураг авалт нь Монгол, Унгар зэрэг гадаад улсад, мөн 30 хэм хүртэлх хүйтэн нөхцөлд хийгдсэн бөгөөд жүжигчид болон багийн гишүүд бүгд нэгдмэл зорилгын дор ажиллаж, өндөр чанарыг бий болгосон байна. Найруулагч Ким Хён-хёб (Kim Hyung-hyub) "Хэдийгээр бидний танихгүй орчин, цаг агаар хүнд байсан ч жүжигчид болон бүтээлч багийнхан бүгд нэгдмэл санаатай тэсвэрлэсэн. Тэрхүү эрч хүч бүгд дэлгэцнээ буусан" хэмээн ярьжээ.
"Бурхны найрал хөгжим" кино нь найруулагч Ким Хён-хёб, 10 жилийн дараа эргэн ирж буй Пак Ши-ху, шинэ дүр төрхөөрөө үзэгчдийг гайхашруулахаар зэхэж буй Жон Жин-үн (Jeong Jin-woon), түүнчлэн Тэ Хан-хо (Tae Hang-ho), Со Дон-вон (Seo Dong-won), Жан Жи-гон (Jang Ji-geon), Мун Гён-мин (Moon Kyung-min), Чой Сон-жа (Choi Seon-ja) нарын хамтын бүтээл бөгөөд "хуурамч" нь "жинхэнэ" болон хувирах гайхамшигтай мөчийг хөгжилтэй инээд хөөр, сэтгэл хөдөлгөсөн мэдрэмжээр дүүрэн харуулах юм.
Солонгосын интернэт хэрэглэгчид Пак Ши-хугийн эргэн ирэлтийг ихээхэн талархалтай хүлээж авч байна. "Дэлгэцэн дээр эргэн ирэхийг нь хүлээсээр байлаа!", "Түүний шинэ дүрийг харахыг тэсэн ядан хүлээж байна", "Өвөрмөц сэдэвтэй кино байх шиг байна".