T-ara хамтлагийн гишүүн Хёмин шинээр гэрлэснийхээ дараах амьдралаа харуулж, хоол хийх авьяасаа гайхууллаа

Алдартай K-pop хамтлаг T-ara-гийн гишүүн асан Хёмин саяхан өөрийн хайртай амьдралынхаа нэгэн хэсгийг хуваалцаж, хоол хийх чадвараа харуулжээ.

Зургадугаар сарын 6-нд Хёмин өөрийн цахим хуудсандаа "Нүүх баяр. Япон хоолны мэргэшсэн үнэмлэхтэй мөртлөө япон хоолноос бусад бүх зүйлийг хийж байна" хэмээх тайлбартай хэд хэдэн зургийг нийтэлсэн байна.

Нийтлэгдсэн зурагнуудад Хёмин цэвэрхэн гал тогооны өрөөнд инээмсэглэн хоол бэлдэж байгаа нь харагдана. Цайвар өнгийн ноосон цамц өмссөн тэрээр тогоочийн дүрд хувиран, орц найрлагыг анхааралтай бэлтгэж байв.

Өөр нэгэн зурагт дарсны хажуугаар амттан болгон бэлдсэн мэт харагдах бялуу, жимс, самар зэргийг гоёмсог байдлаар байрлуулж, гэрийн орчинд зохион байгуулсан зочдын үдэшлэгийн уур амьсгалыг бүрдүүлжээ.

Ялангуяа гэрлэснийхээ дараа улам бүр гоё болсон Хёминий царай, гэмгүй төрх болон шинэхэн эзэгтэйн дүр төрх нь олны анхаарлыг татлаа.

Үүний өмнө, дөрөвдүгээр сард Хёмин Сөүлийн үндэсний их сургуулийг төгссөн нөхөртэйгээ Сөүл хотын нэгэн зочид буудалд хуримаа хийсэн. Тэр үед түүний өвөрмөц, тансаг хуримын даашинз ихээхэн шуугиан тарьж байсан билээ.

Түүнчлэн Хёминий нөхөр нь түүнийг 10 насаар ах бөгөөд одоогоор дэлхийн хувийн хэвшлийн хөрөнгө оруулалтын сангийн салбарт нөлөө бүхий хүн гэдгээрээ ихээхэн анхаарал татаж байна.

Солонгосын интернэт хэрэглэгчид түүний шинэхэн эзэгтэйн дүр төрх, хоол хийх чадварыг магтаж байна. "Гэрлэснийхээ дараа улам бүр үзэсгэлэнтэй болжээ", "Аз жаргалтай байгааг нь харах сайхан байна" гэх зэрэг сэтгэгдлүүд бичжээ.