Жүжигчин Чон Жи-хён өөрийгөө хэрхэн барих тухай нууцаа хуваалцлаа: Дасгал, хооллолтоос эхлээд

Алдарт жүжигчин Чон Жи-хён өөрийгөө хэрхэн гайхалтай барьдаг тухай нууцаа дэлгэжээ. Энэ нь үзэгчдийн анхаарлыг ихэд татсан байна.

Саяхан "Hong Jin-kyung's Study King" нэртэй YouTube сувагт нийтлэгдсэн "Анх удаа YouTube-д гарч байгаа нь! Чон Жи-хён анх удаа нэвтрүүлгээс гэрлэлт хүртэлх амьдралынхаа түүхийг дэлгэж байна" хэмээх видеонд тэрээр өөрийн өдөр тутмын зуршлуудаа хуваалцсан юм. Хон Жи-хён болон бусад оролцогчидтой хийсэн ярилцлагын үеэр, өөрийгөө хэрхэн хянадаг тухай асуухад Чон Жи-хён "Өглөө 6 цаг орчим босоод ямар ч байсан дасгал хийдэг" хэмээн хариулжээ.

Тэрээр гүйх, бокс хийдэг бөгөөд "Залуудаа биеийн жингээ хасах нь дасгал хийх гол зорилго байсан бол нас ахих тусам биеийн хөдөлгөөний ач холбогдлыг биеэр мэдэрч байна. Нэг төрлийн дасгал хийгээд байвал бие дасаад зогсонги байдалд орох шиг санагддаг учраас шинэ дасгал нэмэхээр шийдэж, боксын дугуйланд орсон. Энэ нь маш сонирхолтой байсан. Хэдхэн удаа хийх биш, харин насан туршдаа сурах гэж байгаа юм шиг хандах юм бол бие махбодод өөрчлөлт гарна" гэж хэлсэн байна.

Хооллолтын талаар тэрээр "Үнэндтэ, хоолондоо маш анхааралтай хандах хэрэгтэй. Би хоосон ходоодоор дасгал хийх дадалтай. Дасгал хийснийхээ дараа өдрийн хоолыг аль болох хожуу иддэг. Өглөө өлсөхийг тэсвэрлэхэд амар байдаг бол орой тэсвэрлэхэд хэцүү байдаг. Өдрийн хоолонд би эхлээд уураг агуулсан, голчлон өндөг иддэг. Би хүссэн бүхнээ идэж чадна гэж боддог ч гэсэн биедээ тустай зүйлийг идэх хэрэгтэй гэж боддог" гэж тайлбарлажээ.

Тэрээр тахианы хөлийг иддэг үү гэсэн асуултад "Иддэг ч дуртай биш. Ер нь би халуун ногоотой зүйлд тийм дуртай биш" хэмээн хариулсан байна.

Солонгосын цахим ертөнцийнхэн жүжигчин Чон Жи-хёний сахилга бат, эрүүл мэнддээ анхаардаг байдалд ихэд биширч байлаа. Олон хүн түүний дасгал, хооллолтын арга барилыг үлгэр жишээ гэж онцолсон байна.