2NE1-ийн Пак Бом YG-ийн Ян Хён Сокийг шүүхэд өгөх гэж байсан хэргээс хойш 2 долоо хоногийн дараа эрүүл мэндийнхээ талаар мэдээллээ
2NE1 хамтлагийн гишүүн Пак Бом YG Entertainment-ийн гүйцэтгэх продюсер Ян Хён Сокийг шүүхэд өгөх гэж байсан хэргээс хойш ердөө 2 долоо хоногийн дараа эрүүл мэндийнхээ талаар шинэ мэдээлэл хийжээ. Тэрээр 6-нд өөрийн инстаграм хуудсаараа хэд хэдэн зургаа нийтэлсэн байна.
Зургууд дээр Пак Бом өөрийн өвөрмөц, цоглог төрхийг харуулсан бөгөөд хар өнгийн нүдний будгийг тод өнгийн ягаан уруулын будагтай хослуулсан нь түүний "хүүхэлдэй" шиг дүр төрхийг улам тодотгож өгчээ. Тэрээр том нүд, нарийн эрүүний шугамтай зурагнууд нь өмнө нь шүүлтүүр хэрэглэсэн гэх хардлагыг төрүүлж байсан тэр л хэвээрээ харагдсан юм.
Үүнээс өмнө, өнгөрсөн сард Пак Бом өөрийн инстаграмдаа YG-ийн гүйцүүтгэх продюсер Ян Хён Сокийг шүүхэд өгөх тухай гомдол гаргасан баримт бичгийг нийтэлж, ихээхэн шуугиан тарьсан билээ. Тус гомдолд "залилан болон мөнгө угаах" зэрэг хэргүүд дурдагдсан бөгөөд төлөгдөөгүй орлогын хэмжээ нь "64272e тэрбум вон" хэмээх бодит бус, асар их хэмжээнд хүрсэн нь шүтэн бишрэгчид болон олон нийтийг цочирдуулж, түүний эрүүл мэндийн байдалд эргэлзэхэд хүргэсэн юм.
Асуудал үүсээд удалгүй, түүний байгууллага D-NATION Entertainment "2NE1-ийн үйл ажиллагаатай холбоотой бүх тооцоо хийгдэж дууссан бөгөөд инстаграмд нийтэлсэн гомдол нь хүлээн авагдаагүй" хэмээн тайлбарлаж, шуугианыг дарсан билээ. Тус байгууллага "Пак Бом сэтгэлзүйн хувьд маш тогтворгүй байгаа тул эмчилгээ болон амралт нэн шаардлагатай байгаа" бөгөөд түүнийг идэвхтэй үйл ажиллагаанаас түр гаргаж, эмчилгээнд анхаарлаа хандуулах болсныг мэдэгдсэн.
Солонгосын интернет хэрэглэгчид Пак Бомын эргэн ирэлтэд баярлалтай байгаа ч, эрүүл мэндээ анхаарч байгаад нь санаа зовж байв. Зарим хүмүүс түүний эргэн ирэлт нь түүний биеийн байдал сайжирсны шинж байж болно гэж таамаглаж байв.