Гал тогоорлогч, бизнесийн зөвлөх Бек Чон-вон АНУ-аас эх орондоо ирлээ

Солонгосын алдарт тогооч, телевизийн нэвтрүүлэгч Бек Чон-вон нь Таиланд, Тайвань, Хятад, АНУ зэрэг улсуудад хоёр сар орчим аялаад эх орондоо ирсэн байна.

Сэтгүүлчдийн мэдээлснээр, тэрээр энэ сарын 5-нд АНУ-аас буцаж ирсэн гэж мэдээлжээ.

Аялал хийх хугалцаандаа тэрээр Таиланд, Тайвань зэрэг улсуудад бизнес хоорондын (B2B) борлуулалт, дэлхийн хэмжээний хүнсний зөвлөгөө өгч, солонгос хоолны газруудыг нээх талаар хэлэлцээр хийжээ.

Тэрээр анх Үндэсний Ассемблейн Захиргаа, Аюулгүй байдлын хорооны хэлэлцүүлэгт гэрчээр оролцохоор байсан боловч гадаадад байгаа шалтгаанаар ирээгүй тухайгаа мэдэгдэж байв.

Үүний зэрэгцээ, Бек Чон-вон захирал хийдэг The Born Korea компани нь гарал үүслийн гэрчилгээг хуурамтаар мэдүүлсэн, үнийг үндэслэлгүй нэмэгдүүлсэн, газрын тухай хуулийг зөрчсөн гэх мэт олон асуудалд нэр холбогдож, маргаан дагуулж байсан билээ. Өнгөрсөн есдүгээр сард тус компани нь хоолны ариун цэврийн хууль, хоолны шошгын хуулийг зөрчсөн хэргээр цагдаагийн шалгалтад орсон байна.

Нэмж дурдахад, Бек Чон-вон оролцсон MBC ‘Nameless Chefs’, Netflix ‘Black and White Chef: Culinary Class War’ улирал 2, tvN ‘Master Baek Season 3’ зэрэг нэвтрүүлгүүд удахгүй гарах гэж байгаатай холбогдуулан түүний эх орондоо ирсэн нь нэвтрүүлэгтээ эргэн гарах бэлтгэл гэсэн таамаг ч байна.

Солонгосын интернэт хэрэглэгчид түүнийг эх орондоо ирсэнд баяртай байгаагаа илэрхийлж, цаашдын ажилд нь амжилт хүссэн байна. Зарим нь түүнийг дэлхийн хэмжээнд солонгос хоолыг сурталчлахын төлөө хичээж байгааг онцолжээ.