SEVENTEEN-ийн S.COUPS, MINGYU нар АНУ-ын шинэ од Flo Milli-тэй хамтран ажиллалаа!
K-pop хамтлаг SEVENTEEN-ийн гишүүд болох S.COUPS болон MINGYU нар АНУ-ын нэрд гарч буй уран бүтээлч Flo Milli-тэй хамтарч шинэ уран бүтээлээ гаргалаа.
Hive Music-ийн Pledis Entertainment-ийн мэдээлснээр, S.COUPS болон MINGYU нар өнөөдөр буюу 7-р сарын 7-ны өдөр 14:00 цагт мини цомог "HYPE VIBES"-ын нэрийн хуудаг болсон "5, 4, 3 (Pretty woman) (feat. Flo Milli)" дууны ремикс хувилбарыг цацсан байна. Анхны дууны хөгжмийн хэв маягийг хадгалсан энэ ремикс хувилбарт Flo Milli өөрийн өвөрмөц хип хоп мэдрэмжээ нэмж өгсөнөөр шинэ өнгө аяс нэмэгджээ.
Энэхүү дуу нь өмнө нь Lay Bankz оролцсон анхны хувилбараасаа өөр өвөрмөц чанарыг харуулж байна. Lay Bankz өөрийн хүчирхэг репээрээ онцлог байсан бол Flo Milli нь уян хатан, эрч хүчтэй флоуроо сонсогчдод таалагдах болно. Мөн хоёр уран бүтээлч "гоо үзэсгэлэн"-ийн талаарх өөрсдийн өнцгөөс хуваалцсан нь дууг сонсох бас нэгэн сонирхолтой тал болж байна.
Flo Milli нь Billboard сэтгүүлээс "Одоогийн хамгийн шилдэг 10 эмэгтэй реппер"-ийн нэгээр нэрлэгдэж байсан уран бүтээлч юм. Түүний 2023 онд гаргасан "Never Lose Me" дуу нь Billboard "Hot 100" чартын 15-р байранд бичигдэж, дэлхий даяар амжилт олсон. Түүний анхны микстейп "Ho, why is you here" нь Billboard 200 чартад багтахаас гадна Rolling Stone сэтгүүлийн "Түүхэн дэх шилдэг 200 хип хоп цомог"-т багтсан амжилттай.
S.COUPS, MINGYU нарын "5, 4, 3 (Pretty woman) (feat. Lay Bankz)" анхны дуу нь 9-р сард худалдаанд гарсан даруйдаа дотоодын хөгжмийн чартуудыг тэргүүлж, "Worldwide iTunes Song" чартын дээгүүрт бичигдэж, өргөнөөр тархсан. Энэ дууг багтаасан S.COUPS, MINGYU нарын "HYPE VIBES" мини цомог нь эхний долоо хоногт 880,000 гаруй борлуулалт хийж, K-pop хамтлагийн цомгийн борлуулалтын түүхэн дээд амжилтыг эвджээ.
S.COUPS, MINGYU нар поп хөгжмийн эх орон болох АНУ-д ч нөлөөгөө харуулж байна. Тэдний мини цомог нь Billboard 200 чартын түүхэн дэх K-pop хамтлагийн цомгуудын дунд хамгийн өндөр байрыг эзэлжээ. Гишүүд цомогт нь өгсөн өндөр дэмжлэгт талархаж, дэлхий даяар анхаарал татаж буй шинэ уран бүтээлчдийг танилцуулдаг "Emerging Artists" чартын нэгдүгээрт бичигдэж, 3 долоо хоног дараалан чартад байраа хадгалж чадсан.
Солонгосын интернэт хэрэглэгчид энэхүү шинэ хамтын бүтээлийг ихэд сайшааж, "Дэлхийг байлдан дагуулж байна!", "Flo Milli-гийн хоолой маш гоё нэмэгдсэн байна" гэх зэрэг сэтгэгдлүүдийг үлдээжээ.