NewJeans-ийн бүрэлдэхүүнийг сонгосон тухай шүүх дээр маргаан үүсэв

ADOR-ийн гүйцэтгэх захирал асан Мин Хи-жингийн NewJeans хамтлагийн гишүүдийг өөрийн сонгосон гэх мэдэгдлийг эсэргүүцэн Source Music-ийн хуулийн төлөөлөгч нар шүүх хуралдаанд оролцов.

06-р сарын 07-ны өдөр болсон 500 сая воны нөхөн төлбөрийн нэхэмжлэлийн дөрөв дэх шүүх хурлаар Source Music-ийн хуулийн багийнхан Мин Хи-жингийн "Би NewJeans-ийг сонгосон" гэх үгийг няцаалаа. Үүний нотолгоо болгож, дагалдан суралцагчдын гэрээний бичлэгийг шүүхэд шилжүүлсэн байна.

Source Music-ийн зүгээс "NewJeans-ийн гишүүдийг сонгосон нь үйлчлүүлэгч (Source Music) байсан. Түүнчлэн (HYBE-ийн) анхны охидын хамтлагийг амлаж байгаагүй" гэж мэдэгдэв.

Мэдээллээс үзэхэд, NewJeans-ийн гишүүн Мин Жи-г Source Music шалгаруулсан бөгөөд Хе Рин нь Анян хотод гудамжны сонголтоор орж ирсэн. Хе Ин нь эцэг эхээ өөрөө ятгаж, Даниел нь тухайн ажилтныг Source Music-д шилжихэд хамт шилжин орсон. Хани ч мөн адил Мин Хи-жингийн нөлөөгөөр орсон зүйл биш гэдгийг онцолжээ.

Нэмж дурдахад, Source Music "NewJeans-ийн гишүүд HYBE-ийн анхны охидын хамтлагийг итгэж орж ирээгүй. Даниелийн дагалдан суралцагчийн видео бичлэгт "Хэрэв батлагдсан гишүүн болохгүй бол 'шилжих эрх'-ээ өгөөч эсвэл үлдэх сонголтыг өгөөч" гэж хэлсэн" хэмээн тайлбарласан.

Өмнө нь Мин Хи-жин өнгөрсөн онд хийсэн хэвлэлийн хурлынхаа үеэр NewJeans-ийн гишүүдийг өөрөө сонгосон бөгөөд "HYBE-ийн анхны охидын хамтлаг" цолыг Source Music-ийн Le Sserafim хамтлагт алдсан гэж мэдэгдэж байсан.

Үүнд нь хариу болгож, Source Music "Мин Хи-жингийн хэлсэн үгнээс болж Le Sserafim нь 'давуу эрх олж, бусад багт хохирол учруулсан охидын хамтлаг' гэх цуурмагд хавсаргадсан бөгөөд энэ нь зохион байгуулалттай дайралтын бай болгосон тул уг нэхэмжлэлийг гаргасан" гэв.

Солонгосын цахим нийтлэлчдийн дунд энэ хэргийн талаарх хэлэлцүүлэг өрнөж, удаан үргэлжилж буй маргаанд харамсаж буйгаа илэрхийлж байна. Олон хүн NewJeans хамтлаг уран бүтээлдээ анхаарлаа хандуулахын тулд хурдан шийдвэр гаргахыг хүсч байна.