Дуучин Жан Юн-жон өөрийн үхлийн тухай худал мэдээлэлд тайван хариулав
Алдарт Солонгос дуучин Жан Юн-жон өөрийн нас барсны тухай худал мэдээлэл тархаж байгайд тайван ханджээ.
Есдүгээр сарын 7-нд тэрээр өөрийн цахим хуудсандаа "Олон хүн над руу холбогдож байна... Бүү санаа зов. Энэ бол тийм ч сайхан зураг, бичвэр биш тул устгах болно. Эрүүл байгаарай" гэсэн агуулгатай нийтлэлээ зурагтай нь хамт оруулжээ.
Нийтэлсэн зурагт нь Жан Юн-жоны царай болон "Дуучин Жан Юн-жон 45 настайдаа гэнэт нас барлаа" гэсэн бичиг байжээ.
Энэхүү зураг нь "Алдартай хүмүүсийн үхлийн тухай худал мэдээ" хэмээх нэрийн дор олон нийтийн сүлжээ болон YouTube-ээр тархсан бөгөөд Жан Юн-жон тойрон хүрээний хүмүүсээс нь ирсэн олон тооны дуудлага, асуултад хариулт өгөхөөс өөр аргагүй болсон байна.
Сүүлийн хэдэн жилийн турш YouTube-ээр дамжуулан алдартай хүмүүсийн нас баралтын талаарх худал мэдээлэл ихээр цацагдаж, олон алдартнууд хохирогч болж байна.
Жишээлбэл, хөхний хорт хавдартай тэмцэж, арванхоёрдугаар сарын 12-нд tvN телевизийн "You Quiz on the Block" нэвтрүүлэгт оролцохоор бэлдэж буй жүжигчин Пак Ми-сон ч мөн YouTube сувгаар дамжуулан нас барсан тухай цуу ярианы бай болсон билээ.
Солонгосын интернэт хэрэглэгчид ийм төрлийн худал мэдээлэл тарааж буйд ихээхэн бухимдалтай байгаагаа илэрхийлжээ. Тэд "Хүний амьдралаар ийм байдлаар хошигнож болохгүй байлтай", "Хууль хяналтын байгууллага энэ худал мэдээллийг тараасан этгээдүүдийг олж, шийтгэнэ гэдэгт найдаж байна", "Айхын өмнө мэдээллийг хэзээд шалгаж байгаарай" гэх мэт сэтгэгдлүүдийг үлдээжээ.