О Ин Ён: Зөвхн хүүхэд судлаач биш, 31 жилийн өмнөх үзэсгэлэнтэй эмч!
Алдарт хүүхдийн сэтгэл судлаач, доктор О Ин Ён саяхан KBS 2TV сувгийн "Immortal Songs" нэвтрүүлгийн "Алдртнуудын онцлох үе: О Ин Ён" хэмээх тусгай дугаарт оролцжээ.
Энэ үеэр рэппэр Машбэномын үзүүлбэрийн дараа тэрээр "Бараг 3 кг турчих шиг боллоо" хэмээн хошиноор хэлсэн байна.
Гэхдээ тэрээр өөрийн стрессийн шалтгааны талаар ч нээлттэй ярьсан нь олон нийтийн анхаарлыг татжээ. Тэрээр "Биеэ бариарай", "Нүүр чинь яагаад дэлгэцэн дээр том харагдаад байна вэ?" гэх мэт сэтгэгдлээс стресстэж байгаагаа хэлсэн байна.
Хэрэв стресствэл гэртээ массажны сандал дээр суудаг эсвэл шууд тахиа захиалж иддэг гэдгээ ч хуваалцжээ.
Үүнтэй холбогдуулан, түүний 31 жилийн өмнөх түүх тэр дундаа түүний гоо үзэсгэлэн дахин олны анхааралд өртөөд байна.
1994 оны гуравдугаар сарын 27-нд SBS телевизийн "Энэ ертөнцийг мэдэх үү?" нэвтрүүлгийн "Биеэ хадгалах тухай утгагүй хүсэл - 1994 оны туршилтын байдал" гэсэн ангид О Ин Ён Гванжу Северанс эмнэлэгт ажиллаж байхдаа, эмнэлгийн нөхцөл байдлын талаар ярилцлага өгч байжээ.
Тус видео бичлэгт О Ин Ён "Мэдээж анорекси нь сэтгэл гутрал, нийгмийн үйл ажиллагааг хэрэгжүүлж чадахгүй байх зэрэг асуудлуудтай холбоотой боловч сэтгэцийн эмгэг судлалын хувьд маш яаралтай тусламж шаардлагатай эмгэг юм. Хүн амиа алдах тохиолдол ч бий" гэж хэлсэн байдаг.
Ялангуяа тухайн үеийн О Ин Ён нь одоогийн нэвтрүүлэгт гарч буй түүний дуу хоолой, ярианы хэв маяг, гоо үзэсгэлэнгээс огт өөрчлөгдөөгүй байдал нь үзэгчдийг гайхшруулж, "Үзэсгэлэнтэй эмч байсан байна шүү", "Жинхэнэ домог" гэсэн сэтгэгдлүүдийг үлдээжээ.
О Ин Ён нь Ёнсэ их сургуулийн Анагаах ухааны сургуулийг төгсөж, магистрын зэрэг хамгаалсан бөгөөд дараа нь Корё их сургуульд докторын зэрэг хамгаалсан байна.
Тэрээр Северанс эмнэлэгт дадлага хийж, сэтгэцийн эмчээр ажиллаж байсан бөгөөд Сөүл Самсунг эмнэлгийн Хүүхэд, өсвөр үеийн сэтгэцийн эмч, эмнэлгийн профессор, Ажу их сургуулийн Анагаах ухааны сургуулийн сэтгэцийн өвчин судлалын профессор зэрэг албан тушаал хашиж байжээ.
Одоогийн байдлаар тэрээр "О Ин Ён" нэртэй Хүүхэд, өсвөр үеийн эмнэлэг болон "О Ин Ён Академи"-ийг удирдаж байна.
Тэрээр 2005 онд SBS телевизийн "Бидний хүүхэд өөр болно" нэвтрүүлэгт оролцсоноор хүүхдийн шинжээч хэмээн алдаршсан билээ.
Үүнээс хойш Channel A телевизийн "Өнөөдрийн хүүхэд өөр болно", "О Ин Ёний алтан зөвлөгөө", MBC телевизийн "О Ин Ёний гэрлэлтийн ертөнц" зэрэг нэвтрүүлгүүдэд мэргэжлийн зөвлөгөө өгсөөр байгаа юм.
Мөн "О Ин Ён ТВ", "О Ин Ёний хийх зүйлсийн жагсаалт" зэрэг YouTube сувгуудаар дамжуулан төрөл бүрийн агуулга хуваалцдаг.
Солонгосын интернэт хэрэглэгчид түүний өнгөрсөн үеийн гоо үзэсгэлэн, өөрчлөгдөөгүй дуу хоолойг магтаж, "Тэр үеийн гоо үзэсгэлэн нь үнэхээр гайхалтай байсан, кино жүжигчин шиг л байжээ!" "Түүний дуу хоолой, ярианы хэв маяг яагаад олон жил өөрчлөгдөөгүй байна гэдэг гайхалтай юм" гэх зэргээр сэтгэгдэл бичжээ.