60 настанд ч залуухан харагддаг жүжигчин Хван Шин-хэ

Өмнөд Солонгосын алдарт жүжигчин Хван Шин-хэ өөрийн гадаад төрхөөрөө хүмүүсийг гайхшруулсаар байна.

Есдүгээр сарын 9-нд жүжигчин өөрийн инстаграм хуудсандаа хэд хэдэн зургийг нийтэлсэн бөгөөд тэрээр охинтойгоо хамт Япон улсад аялж явахдаа авахуулсан зургуудаа хуваалцжээ. Хоёр алдарт эх охин нь жинсэн өмдтэй, давхарласан загвартай хувцаслалтыг сонгосон бөгөөд ижил загварын цүнх барьж, "similiar look" буюу ижил төстэй хувцаслалтыг бүрдүүлсэн нь онцлог байв.

Арын өнгө аясыг нь харуулсан зурагнуудаас харахад Хван Шин-хэ, охин хоёр нь ээж, охин гэдгийг нь ялгахад бэрхүй, маш адилхан харагдаж байлаа. Ялангуяа, 60 нас давсан ч Хван Шин-хэ нь 20 гаруй настай охинтойгоо зэрэгцэн зогсоход, хэн нь хэн бэ гэдгийг ялгахад бэрхтэй, тэр ч бүү хэл, охиндоо ч бас илүү залуухан харагдаж байсан нь олны гайхшралыг төрүүлжээ.

Сануулахад, Хван Шин-хэ нь охин Ли Жин-ийн хамт жүжигчний карьерээ үргэлжлүүлэхээс гадна, SNS болон YouTube сувгуудаараа дамжуулан шүтэн бишрэгчидтэйгээ идэвхтэй харилцаж байдаг билээ.

Солонгосын интернэт хэрэглэгчид түүний залуухан төрхийг магтаж, "Тэд эгч дүүс шиг харагдаж байна!", "60 насандаа ийм залуухан харагдана гэж юу л бол", "Надад ч бас ийм загварлаг, хамт аялах боломжтой ээжтэй болох юм сан" хэмээн сэтгэгдэл үлдээжээ.