Жүжигчин Хон Су-жу "Хааны гэрэл, урсах гол"-д анхны үзэгдэлдээ л үзэгчдийг байлдан дагуулж, ирээдүйн үйл явдлын гол тоглогч болов.
MBC телевизийн шинэ "Хааны гэрэл, урсах гол" (The Forbidden Marriage) анхны ангиасаа л үзэгчдийн анхаарлыг татаж эхэллээ. Энэхүү жүжиг нь хунт гүнжтэйгээ хувь тавилангаа холбохыг хүсэхгүй байгаа ханхүү болон ой сангаа алдсан бубосханы сэтгэл солилцсон хайр дурлалын тухай өгүүлэх түүхэн уран зөгнөлт драма юм.
Аравдугаар сарын 8-нд гарсан хоёрдугаар ангид жүжигчин Хон Су-жу нь эрх мэдэлтэн сайд Ким Хан-чолийн (Жин Гу) ганц охин, Чосон улсын гол гоёл болох Ким У-хигийн дүрээр анх удаа гарч ирсэн. Тэрээр эцгийнхээ өгсөн хунтайжтай гэрлэх тухай захидлыг модонд наагаад, буугаар онох гэж буй хурцадмал мөчид хатуу шийдэмгий харц, хүчирхэг зан чанараараа Ким У-хигийн эр зоригийг харуулж, үзэгчдийн анхаарлыг татсан юм.
Ялангуяа тэрээр захидал руу онч мэргэн буудсанаар хунтайжтай хийх гэрлэлт амар хялбар байхгүйг анхааруулж, Ким У-хи цаашдын үйл явдлын өнцгийг өөрчлөх гол хүн болохыг илтгэв.
Хамгийн гол нь, Ким У-хигийн гэрлэлтээс татгалзах шалтгаан нь түүний зүрх ханхүү Ли Ган (Кан Те-о)-д биш, харин Жуньдэгүний Ли Ун (Ли Шин-ён)-д байсан явдал байв. Хон Су-жу анхны үзэгдэлдээ харуулсан сэтгэл хөдөлгөм хайр дурлалын түүх нь үзэгчдийн цаашдын үйл явцын талаарх сонирхлыг улам бүр өдөөв.
Нэмж дурдахад, Хон Су-жу нь эелдэг гоо үзэсгэлэн, зоригтой зан ааш, шантрашгүй хүчирхэг харц, энхрийхэн төрх байдлаараа Ким У-хийн дүрийг бүрэн бүтэн амилуулж, зөвхөн дэлгэцэнд гарсан төдийдээ ч хүчтэй сэтгэгдэл үлдээж, хязгаарлагдмал чаризмаараа жүжгийн чанарыг дээшлүүлсэн юм.
"Хааны гэрэл, урсах гол" MBC телевизээр баасан, бямба гарагийн 21:50 цагаас гардаг.
Хон Су-жугийн тоглосон дүрд корейчууд маш их сэтгэл хангалуун байлаа. "Дэлгэцийг бүхэлд нь гэрэлтүүлсэн гоо үзэсгэлэн", "дүрдээ бүрэн орсон" гэх зэрэг магтаал хэлж, "анхнаас нь л анхаарлыг татсан" гэцгээж байна. Зарим нь түүний дүрээр "хөгжилтэй эргэлтүүд гарах байх" "сонирхолтой хайр дурлалын гурвалжин үүсгэх байх" гэж найдаж байгаагаа илэрхийлжээ.