“Үл бүтэх хүү” шоунд жүжигчин Юн Хён-мин залилуулсан түүхээ хуваалцлаа

SBS телевизийн "Үл бүтэх хүү" (My Little Old Boy) шоуны сүүлийн дугаарт жүжигчин Юн Хён-мин өнгөрсөн хугацаанд залилуулж байсан тухайгаа ярьсан нь олны анхаарлыг татлаа.

6-р сарын 9-нд гарсан уг нэвтрүүлэгт Юн Хён-мин, тэрээр "Бонни ба Клайд" мюзиклд бүтээх гэж буй гэмт хэргийн дүр шилдэг мөрдөгч, цагдаагийн профессор Пё Чан-воноос зөвлөгөө авахаар очих үеэр өөрийн туршлагаа хуваалцсан байна.

Профессор Пё Чан-воноос янз бүрийн гэмт хэргүүдийн талаар сонсож байхдаа, Юн Хён-мин өмнө нь хэрхэн залилуулж байснаа ярьжээ. "Би өөрөө тийм зүйлд өртнө гэж бодоогүй байсан. Гэтэл надад гэнэт камераар маш хурдан хэрэгцээ гарч, хамгийн хямд үнэтэй газрыг олж, тэр сайтад орсон юм" гэж тэр хуваалцсан.

"Шуурхай хүргэлт хийлгэх шаардлагатай байсан тул би чат аппликейшнээр харилцсан. "Одоо энэ хаягруу мөнгө шилжүүлбэл шууд хүргэж өгнө" гэсэн тул би шууд мөнгө шилжүүлсэн. Гэвч сайтад дахин ороход тэр нь алга болчихсон байсан" гэж тэр харамсалтай нь хэлсэн.

Үүнийг сонссон жүжигчин Им Вон-хи "Хэдэн төгрөг шилжүүлсэн бэ?" гэж асуухад, Юн Хён-мин 2 сая вон орчим алдсан гэдгээ хэлээд, "Би нэг цагийн турш энэ хэвээрээ хөдөлгөөнгүй сууж байсан" хэмээн сэтгэл нь хэрхэн унаснаа илэрхийлэв. Үүнийг сонссон Пё Чан-вон "Хүн бүр л ийм явдалд өртөж болно" хэмээн түүнийг ойлгон уучлав.

Солонгосын интернэт хэрэглэгчид Юн Хён-миний талаар "Өрөвдөлтэй Юн Хён-мин, залилагчдад өртсөнд нь харамсалтай байна", "2 сая вон гэдэг их мөнгө шүү дээ, үнэхээр харамсалтай байна", "Яаралтай хэрэгцээтэй байсан ч болгоомжтой байх хэрэгтэй юм байна" зэргээр сэтгэгдэл бичжээ.