Хёна Макаогийн тоглолтынхоо дараа шүтэн бишрэгчиддээ уучлалт гуйлаа

БНСУ-ын алдарт дуучин Хёна Макао хотод болсон тоглолтынхоо дараа шүтэн бишрэгчиддээ чин сэтгэлээсээ уучлал хүссэн байна.

"Өнөөдөр, тавдугаар сарын 9-нд Хёна өөрийн сошиал хуудсандаа "Үнэхээр их уучлаарай. Өмнөх тоглолтоос хойш богино хугацаа өнгөрсөн ч би сайн байдлаа харуулахыг хүссэн ч мэргэжлийн бус байдал гаргаснаа мэдэрч байна. Үнэндээ би юу болсноо ч санадаггүй болохоор бодож бодож байгаад та бүхэнтэй хуваалцах ёстой гэж шийдсэн. Та бүхэн мөнгөө төлж ирсэн тоглолт шүү дээ. Уучлаарай, бас дахин уучлаарай" хэмээн бичжээ.

Тэрээр "Цаашид би илүү их тэсвэр хатуужлаа сайжруулж, тогтмол шаргуу ажиллана. Хэрэв бүх зүйл миний хүссэнээр болвол сайхан байх л даа, гэхдээ би хичээх болно. Бага байхаасаа л надад дутагдалтай байсан ч намайг үргэлж дэмжиж, хайрлаж, хүндэлж байсан та бүхэнд талархалаа илэрхийлмээр байна" хэмээн нэмж хэлсэн байна.

"Мөн би үнэхээр зүгээр ээ! Намайг бүү санаа зов! Бүх хүнд сайхан шөнө байхыг хүсэн ерөөе. Сайн унтаарай" гэж тэрээр дуулгажээ.

Хёнагийн уучлалт гуйсан нь Макао дахь "Waterbomb" фестивалийн үеэр ухаан алдаж унаснаас үүдэлтэй бололтой. Тэрээр "Bubble Pop!" дууг дуулж байхдаа унасан бөгөөд нөөц бүжигчид шуурхай тусалж байсан бичлэг тарсан.

Нэмж дурдахад, Хёна дуучин Ён Жун-хёнтой гэрлэсэн. Саяхан түүний биеийн жин ихэссэн тул хийж эхэлсэн хоолны дэглэмийн үр дүнд одоогоор 40 кг-ын жинтэй болсон нь тогтоогджээ.

Солонгосын интернэт хэрэглэгчид Хёнагийн мэдэгдлийн талаар "Хёнагийн зоригийг хүндэтгэж байна, түүнийг дэмжицгээе", "Тэр үнэхээр хичээж байгаа нь харагдаж байна, эрүүл мэнддээ анхаар", "Уучлалт гуйх шаардлагагүй, зүгээр л өөрийгөө бодоорой" гэх зэрэг сэтгэгдлүүдийг үлдээжээ. Шүтэн бишрэгчид түүнийг хэт их ажиллаж, эрүүл мэндээ алдахаас нь болгоомжилж буйгаа илэрхийлсэн байна.