Загварчин Хан Хе-жин YouTube сувгийг нь хакердуулсан талаар мэдэгдэв

Алдарт загварчин Хан Хе-жин өөрийн YouTube сувгийг хакерт алдсанаа олон нийтэд зарлалаа.

11-р сарын 10-ны өдөр загварчин өөрийн цахим хуудсаараа дамжуулан энэ талаар дэлгэрэнгүй мэдээлэл хийсэн байна. Тэрээр "Өчигдөр буюу 11-р сарын 10-ны өглөөний 8 цагийн орчимд миний сувгаар криптовалюттай холбоотой шууд нэвтрүүлэг явсан тухайг баг хамт олон болон ойр дотны хүмүүсийн мэдэгдлээр олж мэдсэн" гэж дурджээ.

Хан Хе-жин "Одоогоор YouTube-д албан ёсоор гомдол гаргасан бөгөөд сувгийг түргэн хугацаанд эргүүлэн авахын тулд боломжит бүх арга хэмжээг авч, хариу хүлээж байна" хэмээн тайлбарласан юм.

Тэрээр "Энэ нэвтрүүлэг нь миний болон сувгийн багийн санаа бодолтой огт нийцэхгүй, бидний зохион байгуулаагүй контент гэдгийг онцлон хэлье. Хэрэв энэ нэвтрүүлгээс болж ямар нэгэн хохирол амссан хүн байхгүй байх гэж найдаж байна" гэж нэмж хэлсэн.

"Би энэ сувгийг маш их хайрлаж, хичээнгүйлэн бэлтгэсэн контентуудаараа бүтээсэн учраас маш их харамсаж, цочирдсон байна. Дахин нэг удаа захиалагч болон хэрэглэгчдэдээ санаа зовнил, төвөг учруулсандаа чин сэтгэлээсээ уучлалт хүсье. Сувгийг түргэн хугацаанд эргүүлэн авахаын тулд би чадах бүхнээ хийх болно" хэмээн тэрээр мэдэгдлээ.

Солонгосын нетизэнчүүд загварчин Хан Хе-жинийг дэмжиж, "Хурдан эргээд ирнэ гэж найдаж байна!", "Хамгийн гол нь биеийнхээ эрүүл мэндийг бодоорой!", "Хэрэв ямар нэгэн хохирол гарсан бол хариуцлага тооцох хэрэгтэй" зэрэг сэтгэгдлүүдийг бичжээ.