Телевизионер Чон Хён-му төрсөн өдрөө тохиолдуулан 100 сая вон буян номын үйлст хандивлаа

Алдарт телевизийн хөтлөгч Чон Хён-му (Jun Hyun-moo) төрсөн өдрөө тэмдэглэхдээ бусдад туслах үйлсэд 100 сая воныг хандивласан нь олны талархлыг хүлээж байна.

Тэрбээр есдүгээр сарын 10-нд өөрийн цахим хуудсандаа "Бэлэг өгдөг төрсөн өдөр, сайн үйлсийг хүн бүхэн мэдэх ёстой" хэмээх бичвэртэй хамт нэгэн зургаа нийтэлжээ.

Нийтлэгдсэн зургаас харвал, Чон Хён-му өөрийн төгссөн Сөүл дэх Ёнсэй их сургуулийн Эмнэлгийн газарт 100 сая вон хандивлаж буй баримт бичиг болон "Би ганцаараа амьдардаг" (I Live Alone) нэвтрүүлгийн зураг авалтын үеэр төрсөн өдрийн бялуугаа өргөөд буй дүрсийг үзэх боломжтой.

Өмнө нь энэ сарын 7-нд Чон Хён-му эдийн засгийн хүндрэлтэй тулгарсан өвчтөнүүдийн эмчилгээний зардалд туслах зорилгоор Ёнсэй Эмнэлгийн Нийгмийн халамжийн санд хандив шилжүүлжээ. Ялангуяа энэхүү хандивыг хүүхдийн хавдар, ховор тохиолдох өвчин зэрэг хүүхэд, өсвөр үеийнхний эмчилгээний зардалд, мөн өрх толгойлон амьдрах бэлтгэлтэй залуучуудын эмчилгээний зардалд зориулах юм.

Чон Хён-му нь тогтмол буяны ажил хийдэг нэгэн. Тэрбээр 2018 онд ганц бие эхчүүдэд 100 сая вон хандивлаж, Сөүлийн "Хайрын мөчрүүд" байгууллагын "Honor Society"-ийн гишүүн болсон бөгөөд энэ хугацаанд ч тусламж хэрэгтэй газарт тогтмол хандив өргөсөөр ирсэн.

Солонгосын интернэт хэрэглэгчид түүний өглөгч сэтгэлийг ихэд сайшааж, "Жинхэнэ сайхан сэтгэл шүү", "Үргэлж бусдад туслах арга замыг олдог нь үнэхээр гайхалтай" зэргээр сэтгэгдэл бичжээ.