Тимоти Шаламе болон Кайли Женнер: харилцаанд нь сэв үүсч үү?
Холливуудын алдарт хосууд Тимоти Шаламе, Кайли Женнер нарын харилцаа төвөгтэй байдалд орсон бололтой. Саяхан Vogue сэтгүүлд өгсөн ярилцлагадаа Шаламе Женнерээс харилцааны талаарх асуултад хариулахаас татгалзаж, "Надад хэлэх зүйл алга" хэмээн товчхон хариулжээ.
Vogue сэтгүүлд өгсөн ярилцлагадаа Шаламе "Бидний харилцааны талаар ярихгүй. Энэ нь айдастай холбоотой биш, нуух зүйл ч байхгүй, зүгээр л хэлэх зүйл алга" гэж мэдэгдсэн байна. Өмнө нь хосууд бие биенээ халамжилж, олон нийтийн газарт хайраа илэрхийлдэг байсан тул энэхүү "чимээгүй байдал" нь шүтэн бишрэгчдийн дунд маргаан үүсгэв.
Radar сайтаас мэдээлснээр, Женнер "маш их сэтгэлээр унасан" байна. "Кайли аль хэдийн тэдний харилцааг ил тод болгох цаг болсон гэж бодож байсан. Гэтэл Тимоти энэ сэдвийг ийм амархан орхиж явсан нь түүнийг цочирдуулсан" хэмээн дотны эх сурвалж өгүүлжээ.
Эх сурвалжуудын мэдээлснээр, Женнер сүүлийн үед Шаламегийн зураг авалтын талбай дээр очиж, арга хэмжээнүүдэд нь хамт байж дэмжиж ирсэн ч "хариуд нь тэр ийм хүчин чармайлт гаргадаггүй" хэмээн гомдоллож байсан байна. Мөн хосууд зуныг тус тусад нь өнгөрүүлсэн тул харилцаа нь хөндийрч эхэлсэн тухай цуу яриа ч гарах болсон.
Шаламе Унгарт "Дюна 3" киноны зураг авалтад анхаарлаа хандуулж, Женнер Лос-Анжелест хүүхдүүдтэйгээ цагийг өнгөрүүлжээ. Үүнээс улбаалж, "Кайли л ганцаараа хичээж байгаа харилцаа" гэсэн шүүмжлэл гарч байна. Харилцааны шинжээч "Нэг талдаа илүү их зүйл өгдөг харилцаа эцэстээ тэнцвэрээ алддаг. Хэрэв нөгөө тал таны ертөнц рүү орохгүй бол энэ нь анхааруулах шинж тэмдэг байж болно" хэмээн дүгнэжээ.
Хосууд 2023 оны 1-р сард Парист болсон Жан Пол Готьегийн загварын шоунд анх танилцсан бөгөөд мөн оны 9-р сард Бейонсегийн концертод үнсэлцэж хайраа албан ёсоор баталгаажуулсан. Гэвч сүүлийн үед тэднийг хамт олон нийтийн арга хэмжээнд оролцох нь багассан тул харилцаа нь тасарсан тухай таамаглал гарч байна.
Монголын шүтэн бишрэгчид "Үерхэл нь бэхжээсэй гэж найдаж байна, тэд маш сайхан хос шүү дээ!" гэж сэтгэгдэл бичицгээж байна. Зарим нь "Магадгүй тэр хувийн амьдралаа нууцлахыг хүссэн байх, гэхдээ энэ Кайлид таагүй санагдаж байгаа байх" гэж таамаглаж байна.