Жүжигчин Го Жунь-хи Wiggle Wiggle брэндтэй хамтран ажиллаж, шинэ загварын хувцас гаргалаа

Алдарт жүжигчин Го Жунь-хи алдартай брэндтэй онцгой хамтын ажиллагааг эхлүүлжээ. Тэрээр арван сарын 10-нд "Wiggle Wiggle" амьдралын хэв маягийн брэндтэй хамтран бүтээсэн "GOody girl lounge robe collection"-ыг танилцуулсан байна.

Энэхүү хамтын бүтээлд зориулан Го Жунь-хигийн бэлгэ тэмдэг болсон дүрийг "Wiggle Bear"-ын хамт жүжигчний богино үс, өмнө нь ихээхэн алдаршиж байсан чокер загвартай хослуулан бүтээжээ. "GOody girl" хэмээх нэр нь "goody girl" (сайн, үлгэр жишээ охин) гэсэн үгэнд Го Жунь-хигийн нэмийг (GO) оруулж, брэндийн өөрийн гэсэн өвөрмөц, гэгээн, хайр татам мэдрэмжийг илэрхийлсэн байна.

"GOody girl lounge robe collection" нь Го Жунь-хигийн өдөр тутмын амьдралдаа өмсөж, илүүд үздэг байсан нөмрөгөөс бүрдсэн бүтээл юм. Энэхүү хувцас нь тав тухтай байдал, загварлаг хийцийг хослуулсан бөгөөд гэртээ ч загварлаг байхыг хүссэн хэрэглэгчдэд зориулан бэлтгэгдсэн байна.

Саяхан Го Жунь-хи "Cube Entertainment"-тай гэрээ байгуулж, шинэхэн карьераа эхлүүлсэн тухайгаа мэдэгдсэн билээ. "Cube Entertainment"-ын брэндтэй хийсэн энэхүү хамтын ажиллагаа нь түүний анхны үйл ажиллагаа бөгөөд цаашид уран бүтээлээрээ үзэгч, фэнүүдтэйгээ уулзах төлөвтэй байгаа аж.

Го Жунь-хи нь "Listen to My Heart", "Yawang", "The Chaser", "She Was Pretty" зэрэг олон ангит киногоороо үзэгчдийг байлдан дагуулж байсан бөгөөд "Marriage Blue", "Red Carpet", "Intimate Enemies" зэрэг кинонуудад ч мөн гүн сэтгэгдэл үлдээсэн. Саяхан тэрээр "Go Joon Hee GO" нэртэй өөрийн YouTube сувгаар дамжуулан фэнүүдтэйгээ харилцах болсон юм.

Солонгосын цахим нийтийн сүлжээнд Го Жунь-хигийн "Wiggle Wiggle" брэндтэй хийсэн энэхүү хамтын ажиллагааг "Үнэхээр гайхалтай сонголт!" хэмээн магтаж байна. "Түүний стильтэй маш сайн зохицож байна, хувцаснууд нь хар булаан" хэмээн сэтгэгдэл үлдээжээ.