Дуучин Жесси шинэ EP «P.M.S.»-ээ гаргаж, эргэн ирлээ

Олны танил дуучин Жесси «P.M.S.» (Pretty Mood Swings) нэртэй шинэ EP-гээ гаргаж, урлагтаа эргэн ирж байгаагаа зарлав. Энэ бол 2020 онд гарсан «누나» цомгоосоо хойш таван жилийн дараах анхны уран бүтээл юм.

Жесси шинэ цомгийнхоо талаарх мэдээллийг 5-р сарын 10-нд өөрийн албан ёсны сошиал хуудсууд болон YouTube сувгаараа нийтэлж, эргэн ирэлтээ баталгаажууллаа. «P.M.S.» буюу «Pretty Mood Swings» цомог нь «сэтгэл хөдлөлөөс хамаарч өөрчлөгддөг өнгө төрх, чин сэтгэлийн мэдрэмжийг илэрхийлэх» утгыг агуулсан бөгөөд дуучин үүнийгээ зоригтой илэрхийлжээ.

Шинэ EP-д «걸스 라이크 미» (Girls Like Me) хэмээх гол дуунаас гадна «브랜드 뉴 부츠» (Brand New Boots), «헬» (Hell), «메리 미» (Marry Me) болон өмнө нь цацагдсан «뉴스플래시» (Newsflash) зэрэг нийт таван дуу багтсан байна. Жесси өөрөө бүх дууны үг, ая зохиоход оролцож, өөрийн бодол санаа, мэдрэмжээ аятайхан байдлаар илэрхийлжээ.

Өнгөрсөн жил Жесси нэгэн хэрэгт холбогдож байсныг сануулъя. Өнгөрсөн оны есдүгээр сард Сөүл хотын Апкужонг дүүрэгт найзуудтайгаа байх үеэр нь нэгэн фэн гэрэл зураг авахыг хүсэхэд, Жессигийн хамт байсан хүн тэр фэн рүү дайрчээ. Үүний дараа Жесси тэр хэргийг зогсоогоогүй, харин хэргийн газраас явж байсан нь илэрч, ихээхэн шүүмжлэлд өртөж байв.

Солонгосын интернэт хэрэглэгчид Жессигийн эргэн ирэлтийн талаар янз бүрийн санал бодлоо илэрхийлж байна. Зарим нь «Эцэст нь манай Жесси ирлээ!» эсвэл «Шинэ EP-г тэсэн ядан хүлээж байна!» хэмээн баяр хөөрөө илэрхийлж байгаа бол нөгөө хэсэг нь «Өнгөрсөн жилийн хэргээс хойш итгэлийг хэрхэн буцааж авч чадах бол?» гэх зэргээр асуулт тавьж байна.