Melon 'The Moment : Live on Melon' арганик буюулгаар фэнүүдтэйгээ ойртлоо
Какао Энтартэйнментийн хөгжмийн платформ болох Melon нь 'The Moment : Live on Melon' нэртэй онцгой тоглолт, фэн уулзалтын цувралаа амжилттай зохион байгуулж, 40 гаруй хоногийн турш дуу сонсогчдодоо 'тэдний хамгийн хайртай' уран бүтээлчидтэйгээ нэгдэх боломжийг олгосон билээ. Энэхүү арга хэмжээ нь 9-р сарын сүүлчээр эхэлсэн бөгөөд 11-р сарын 8-нд J-POP уран бүтээлчдийн тоглолтоор төгсгөлөө.
"The Moment : Live on Melon" нь Сөүл хотын Чунму Арт Центрийн их танхимд болсон бөгөөд "Зүгээр л сонссоноос ч илүү, өөрийн гэсэн мөчийг үлдээдэг" гэсэн уриатай байв. Энэхүү цуврал нь 13 удаагийн онцгой тоглолт болон 3 удаагийн фэн уулзалтаас бүрдсэн. Зөвхөн Melon-ы захиалагчдад зориулсан онцгой арга хэмжээ нь ихээхэн дэмжлэг авч, оролцогчдын тоо өндөр байсан. Нийт 16,000 орчим хэрэглэгч танхимд уран бүтээлчидтэй ойр дотно харилцаж, энэхүү цувралыг үзэх боломжтой байв.
Фэнүүдтэй хийсэн уулзалтууд нь Melon платформ дахь уран бүтээлчдийн 'ойр дотно байдал' буюу '친밀도' гэх үзүүлэлтийг онцолсон юм. Энэ нь хэрэглэгчдийн дууг хэр их сонсдог, хайртай гэдгийг 1-99 хүртэлх хэмд харуулдаг бөгөөд 'жинхэнэ фэн' байдлыг батлах гол шалгуур болсон. Фэн уулзалтад хамгийн өндөр 'ойр дотно байдалтай' фэнүүдийг урьсан нь Melon дээр идэвхтэй байдлын шагнал болж өгсөн. Фэнүүд плейлист үүсгэх, дуу таах, шилдэг тоглолт шалгаруулах зэрэг олон сонирхолтой хөтөлбөрт оролцож, уран бүтээлчидтэйгээ идэвхтэй харилцсан. Уран бүтээлчид өөрсдөө ч фэнүүдийнхээ дэмжлэг, мэдлэгт нь ихэд баярлаж, онцгой, дотно харилцааг бий болгосон.
Онцгой тоглолтуудад EXO-гийн Сухо, 10CM, Ben, Kyuhyun, Lee Young-hyun, Daybreak, Soran, Rooftop Moonlight, Baek-ah, WISUE, 92914, Lee Kang-seung, 12BH, 30Line Butterfly, Bong Je-in, ANDOR, сонгодог хөгжимчин Son Woo-yeon, мюзиклаар жүжигчин Kai, мөн J-POP-ын Leina, 7co, Ushio Reira, Wez Atlas, idom зэрэг нийт 23 уран бүтээлч оролцсон. Тэд өөрсдийн төрлөөрөө онцгой тоглолтыг үзүүлж, хэрэглэгчдийн янз бүрийн хөгжмийн сонголтыг хангасан. Мөн нэг өдөр тоглосон хамтлаг дуучдын гэнэтийн хамтарсан тоглолт нь фэнүүдийг улам баярлуулсан. Тухайлбал, 10CM, Soran, Daybreak хамтлагууд Melon-ы ачаар удаан хугацааны дараа хамт дуулах боломж олдсондоо баяртай байгаагаа илэрхийлсэн.
Melon-ы төлөөлөгч хэлэхдээ: "'The Moment : Live on Melon' нь бидний хөгжмийн платформ байгууллагын чадавхийг харуулж, хэрэглэгчдэд сонсоод дадсан дуу хоолойг нь нүдэнд харагдуулж, амьдаар мэдрүүлэх хамгийн шилдэг туршлагыг олгосон. Цаашид Melon нь MMA зэрэг томоохон фестивал төдийгүй, захиалагчдад зориулсан ийм төрлийн шагнал урамшууллын арга хэмжээг зохион байгуулж, гишүүнчлэлийн үйлчилгээгээ дээд түвшинд хүргэхээр зорьж байна" гэжээ.
Солонгосын интернет хэрэглэгчид "The Moment : Live on Melon" арга хэмжээнд маш өндрөөр үнэлгээ өгч, "хамгийн хайртай уран бүтээлчдээ амьдаар нь үзэх сайхан боломж болсон", "Melon-ы шагнал урамшууллын систем маш сайн байна" гэх зэрэг сэтгэгдлүүдийг үлдээжээ. Фэнүүд өөрсдийн идэвхтэй байдлыг үнэлж, онцгой туршлагаар шагнагдсан нь тэднийг урамшуулсан гэж онцолсон байна.