THE BOYZ хамтлагийн гишүүн Кевин үйл ажиллагаагаа түр зогсоосноо мэдэгдсэний дараа фэнүүддээ хандлаа

Саяхан уран бүтээлээ түр зогсоосноо зарласан THE BOYZ хамтлагийн гишүүн Кевин өөрийн биеэр фэнүүддээ ханджээ.

10-р сарын 10-нд Кевин өөрийн цахим хуудсаараа дамжуулан хар дэвсгэр дээр цагаан үсгээр бичсэн захидал нийтэлж, "Намайг дэмждэг хүн бүрт гэнэт санаа зовнил үүсгэсэн явдалд уучлал хүсье" гэжээ.

Тэрээр "Би түр хугацаанд сайн амраад эргэн ирнэ. Хичээнгүй зүтгэл гаргаж байгаа гишүүдээ дэмжээрэй" хэмээн хамтлагтаа хандах хайр энэрлээ илэрхийлсэн байна. Эцэст нь "Та бүхэн эрүүл саруул байгаарай" гэж хэлээд фэнүүдээ тайвшруулжээ.

Үүнээс өмнө, 10-р сарын 28-нд Кевин эрүүл мэнд, сэтгэлзүйн асуудлын улмаас үйл ажиллагаагаа түр зогсоосноо мэдэгдсэн. Түүний агентлаг IST Entertainment "Кевин саяхан эрүүл мэнд, сэтгэлзүйн байдлын хувьд таагүй мэдрэмж төрж, эмнэлгийн байгууллагад хандсан. Шинжилгээний дүнгээс үзэхэд түүнд хангалттай амрах, тайван байх хэрэгтэй тул эмчилгээндээ анхаарлаа хандуулна" гэж мэдэгдсэн.

Одоогоор THE BOYZ хамтлаг нь Кевинээс бусад 8 гишүүнтэй үйл ажиллагаагаа үргэлжлүүлж байна.

Үйл ажиллагаагаа зогсоосноо зарласнаас хойш анх удаа Кевин өөрийн сэтгэлийг илэрхийлсэн нь энэ юм.

Фэнүүд нь "Болж өгвөл сайн амраарай", "Уучлалт гуйх хэрэггүй, эрүүл мэнд чинь л чухал", "Бид үргэлж Кевиний талд" гэх мэт дэмжлэгийн сэтгэгдлүүдийг үлдээжээ.